Mateus 19

Yesus sibarakati ngowa 'olo-ngowa 'olo

13 'Age 'orasa rimoi, ngowa-ngowa’a 'aḏi gasa i’a manga ngowa 'olo ra Yesus, la Unanga 'a siteru 'Ai giama ra ananga di’a ya’u sibarakati. Mada’a 'Ai me-mete’e 'aḏi ḇangata ngowa’a gena-ge ga’a gasa manga ngowa 'olo.

14 Ḏua Yesus 'o kanau Tai me-mete’e, "Sieanga i’a ḇato ngowa 'olo nena-ne 'aḏi sapolo ra Ngoi. Awa ni dola’aku ananga, sababu ngowa’a ga’a 'aḏi dadi ma tero sa’olo ngowa 'olo-ngowa 'olo nena-ne pa’i ananga gena-ge nyengara 'aḏi osama nyo-nyoimi toma Soroga ma Pareta."*19:14 Soroga ma Pareta ma tero Ma Jou’ongu Madutu 'ai Pareta. Gena-ge ma tero toma bu-bula’a 23, 24.

15 Gena ḏua, Yesus 'a siteru 'Ai giama toma ngowa 'olo-ngowa 'olo matengo re matengo manga sae’e ma re’u kara 'O sibarakati ananga. Gena ḏua Unanga 'o tagi sisoi’i tala ngi’i gena-ge.