Mateus 2

11 Wakutu ananga 'aḏi osama toma wala ma dara, ananga 'aḏi oḏi’i Unanga gena-ge Rai ngina ngo Maria. Re ananga 'aḏi mapagara manga biono tala re silamo’o re siḏubuso Unanga. Gena ḏua, ananga ya welanga manga harata ma burua, re ya pula’a manga bu-bula’a ra Unanga. Manga bu-bula’a guraci, manyanyi, re mur.*2:11 Manyanyi: dupa ma ijana lai hali, 'oro toma ate ino. Mur gena-ge 'oro toma ate ma da-daiti ga’a ri dudungu, ma bounu lai sa’i.