Matius 24

Yesus 'o siajele mangale Ma Jou’ongu Madutu 'ai Wala ya ruba

1 Wakutu Yesus 'o sisoi’i tala Ma Jou’ongu Madutu 'ai Wala, 'Ai me-mete’e 'aḏi sapolo ra Unanga 'aḏi sijumu Ma Jou’ongu Madutu 'ai Wala re ma wala-wala mo-moini ga’a ma’u co-cori. 2 Yesus 'o kanau ra ananga, "Ngini ni oḏi’i wala nena-ne mo-moini 'oru? Ni ngaku mode-mode’e 'Ari demo-demo nena-ne: Ḏuanga i’a maḏi rimoi i’a mai ua, 'age 'i ma’u fato re maḏi ma lelegu; mo-moini 'i perego."