Matius 28

2 Kage-kage 'i dadi wusu lai siḏi madutu re Ma Jou’ongu Madutu 'ai mala’ekata 'o 'uci da’u soroga tala. Ḏua unanga 'o tagi 'a lulu maḏi 'o kubu ma da-damunu, re 'o tegoro toma re’u. 3 Mala’ekata gena-ge 'ai jamani sa’olo ḇeḇelanga, re 'ai pakeanga 'i buḏo madutu. 4 Sordado ga’a dadanu kubu gena-ge, ananga 'aḏi dadi mojongo madutu singadolo 'aḏi terewete, re maeta’a toma tana’a re dadi sa’olo ngowa’a sengene.