Romanos 12

19 Ioronongoḏu ngo-ngaku rimoi, ngini ga’a ngoi tunu dadalara: Awa singadolo ni ma’u gogono 'akala. Sieanga ḇato maha Ma Jou’ongu Madutu ya’u sihukumu. Sababu toma Boku 'Ofi-'Ofi ma dara silefo so’o ne: "Ma Jou’ongu Madutu 'o kanau: ‘Ngoi nena-ne ḏuanga i’a ta’u balasa. Ngoi nena-ne ḏuanga i’a ta’u sihukumu.’ " Gena-ge Ma Jou’ongu Madutu 'ai demo-demo.✝12:19 Dad. 32:35 20 Mada’a siḏibo ḏi’i,

"Na’o ninga lawana 'o sawini; nu pula’a oromo.

Re na’o unanga 'ai camala dudungu; nu pula’a ka’e ḇanyo.

Sababu ninga ga’a so’o gena, unanga 'o mara’a, re awa-awa 'o maḏibo toma ngo’omo boloto."✝12:20 Dol. 25:21-22

21 Awa ni balasa ngowa’a manga ga’a ma jira reo ngini ninga ga’a ma jira ḏi’i. Sababu na’o ngini ni 'a’a so’o gena, jira sita’aloko ngini. Siḏibo ḏi’i, ngini ni balasa ga’a ma jira ra ngini gena-ge reo ninga ga’a ma la-la. Dadi ngini sita’aloko jira.