Ta’aloko toma pamarenta
1 Ngene matengo re matengo balasu ta’aloko toma pamarenta, sababu pamarenta rimoi i’a mai ua ga’a sanga kuasa ua ra Ma Jou’ongu Madutu tala. Re pamarenta ya siḏagi manga kuasa mete’e Ma Jou’ongu Madutu 'ai 'akala ma mau. 2 Sababu gena-ge, ngowa’a ga’a lawana pamarenta ma tero ḇato 'aḏi lawana 'oru ga’a Ma Jou’ongu Madutu 'a siwatasa. Re ananga ḏuanga i’a 'aḏi sanga hukumu. 3 Sababu, ngowa’a ga’a siḏagi 'ori i’a ma la-la, ananga gena-ge 'aḏi mojongo pamarenta awa. Pa’i ngowa’a ga’a 'aḏi siḏagi 'ori i’a ma jira, ngowa’a gena-ge balasu 'aḏi mojongo pamarenta. Dadi na’o ngini mau ni mojongo ua pamarenta, ngini balasu ni siḏagi 'ori i’a ma la-la, re ni sanga puji re silamo’o toma pamarenta ma bi-biri’i.