Awa ninga ioronongoḏu ngo-ngaku rimoi 'aḏi eta’a toma ḏosa ma sababu ngini
13 Sababu gena-ge, awa ngene wo sijuruhakimi matengo re matengo. Siḏibo ḏi’i, ngini balasu ni makutale ni 'a’a dola’aku awa, singadolo ninga ioronongoḏu ngo-ngaku rimoi 'aḏi pele’e bolo eta’a toma ḏosa. 15 Na’o ninga ioronongoḏu ngo-ngaku rimoi 'ai 'akala re sinyingara 'i kangela sababu ngini ni oromo ngo-ngoromo ga’a unanga 'o oḏi’i re 'o mafikiri mangale ngo-ngoromo 'i wosono; ḏua ngini ni sijumu dadalara ua ra unanga. Kristus ro sengene di’a unanga, dadi awa ngini ni sijira 'ai ngo-ngaku sababu ngo-ngoromo ga’a ni oromo. 17 Sababu ra Ma Jou’ongu Madutu 'ai parenta ma dara, 'oru ga’a matengo i’a 'a oromo bolo 'a ka’e, gena-ge 'i la-lamo’o ua. Mada’a enanga ga’a lebe la-lamo’o ma re’u i’a so’o ne: Ngene balasu wo 'ahu sa’olo ngowa’a loasa re banari, re ngene wo ma’u dame matengo re matengo, re ḏi’i ngene balasu wo maroanga sababu Ma Ngagara 'Ofi-'Ofi taninga 'akala re sinyingara.