4 So’o gena ḏi’i di’a ngini, ngoi 'ari ioronongoḏu ngo-ngaku rimoi. Nange-ne ngini ḏi’i ni 'ahu marimoi reo Musa 'ai hukumu riwara. Sababu ma tero sa’olo ngini reni sengene marimoi ra Kristus 'ai lese, la ngini ni 'ahu marimoi toma ngowa’a lelegu, gena-ge Kristus, Unanga ga’a dadunu 'O 'ahu moju Tai se-sengene. Dadi ngene renanga faeda tananga 'ahu nena-ne ma dara di’a Ma Jou’ongu Madutu. 5 Sababu ma siḏa ngene wo 'ahu wo mete’e nanga nyafusu ga’a ma 'asala toma tabeata manusia baraḏosa. Re sababu wo waro Musa 'ai hukumu, nyafusu gena-ge 'i ganapu baolo tananga 'akala re sinyingara ma dara, singadolo enanga gena-ge 'i kuasa nanga lese. Dadi ngene wo patasa di’a sanga sengene kasingado-ngadolo i’a. 6 Mada’a nange-ne ngene rewo 'ahu marimoi riwara ra Musa 'ai hukumu sababu ngene rewo sengene marimoi ra Kristus. Dadi ngene rewo bebasa toma hukumu gena-ge ga’a ma siḏa moju enanga 'i kuasa ngene. Ngene wo de-de’oso Ma Jou’ongu Madutu mete’e ngo’omo ma siḏa riwara: Ngene wo mete’e riwara hukumu gena-ge ga’a 'i silefo ḏua. Siḏibo ḏi’i, nange-ne ngene wo de-de’oso mete’e ngo’omo su-sungi: Ngene wo mete’e Ma Ngagara 'Ofi-'Ofi.