1 Sababu gena-ge, ngowa’a ga’a manga 'ahu ri marimoi ra Kristus Yesus, ananga sanga hukumu riwara. 2 Ma Ngagara 'Ofi-'Ofi ma kuasa ri sibebasa ngene toma ḏosa ma kuasa re sengene kasingado-ngadolo i’a re pula’a 'ahu su-sungi ra ngene, sababu ngene rewo marimoi ra Kristus Yesus. 3 Musa 'ai hukumu 'i sibebasa ngene yoḏu’u toma ḏosa ma kuasa; sababu manusia wo lamahana woḏi di’a mete’e ti-tiai hukumu gena-ge. Mada’a Ma Jou’ongu Madutu nyengara 'o sibebasa ngene toma ḏosa ma kuasa gena-ge: Unanga 'o 'utusu 'Ai Ngowa’a Nau’u di’a dadi jou-jou rimoi, la 'O tuusu ngene tananga ḏosa. Unanga gena-ge 'o sapolo toma dungia nena-ne ma tero sa’olo manusia, mada’a Unanga 'o 'a’a ḏosa ua. 4 Ma Jou’ongu Madutu 'o 'a’a so’o gena-ge, la ngene ga’a nanga 'ahu mete’e Ma Ngagara 'Ofi-'Ofi ma mau, re mete’e riwara manusia ma tabeata baraḏosa, ngene gena-ge nyengara mete’e mo-moini ga’a ra Musa 'ai hukumu.