5 Mada’a, na’o 'age matengo taninga sigolona 'ai 'akala soro’unu enanga 'i kuranga mangale ma duhu sa’olo unanga 'o 'ahu na’o 'o sanga dola’aku re bo-baja, unanga gena-ge balasu 'o golo’o ra Ma Jou’ongu Madutu. Ḏua Ma Jou’ongu Madutu ḏuanga i’a 'o pula’a 'akala soro’unu ra guna ḇato Rai 'akala re sinyingara sa-sanangi kama kuḏubungu ua. 6 Mada’a na’o matengo i’a 'o golo’o ra Ma Jou’ongu Madutu balasu 'o ngaku mode-mode’e, awa 'o sitaka-taka. Na’o unanga 'ai 'akala re sinyingara ogoro ua, gena-ge ma tero sa’olo momoku toma ngoloto ga’a karawiana ya wusu si’a re sino. 7,8 Unanga gena-ge 'ai 'akala re sinyingara 'i sa-salanga. Dadi 'o 'oro putusanga yoḏu’u, 'oru ḇato ga’a unanga 'o 'a’a. Sababu gena-ge unanga 'o masinganono awa 'o sanga 'ori i’a rimoi i’a ra Ma Jou’ongu Madutu.