1 Pedro 4:2-7 | Versão SAK

2 Hanchu, atûn renga chu nin rammuol ringnunngei a la om kai chu miriem ôinangeiin om khâi loiin Pathien lungdôa jêkin nin om ngêt rang ani zoi. 3 Zora leivuna han sonongngeiin an tho nuom ngâi ngei hah asôtzan nin lei manga. Nin ringnunngei hah hurna ngei, taksa ôina ngei, junrûina ngei, jumun hoiinhâinangei, junêk ruolhoi ngei le mirmil biekna porinche ngeiin nin mang ok ngâi zoi. 4 Male atûn chu sonongngei hah porinche le ringnun saloi an mangna han nin kop khâiloi sikin nangni an kamâma, masikin nangni an êro ngâi ani. 5 Hannirese ha ngei han, Pathien, aring le athi roijêk ranga ânthoksaipu kôma han an thurchi chit la misîr an tih. 6 Masika han kêng ithi ngei lâia khom Thurchi Sa misîr ani, mitin taksa roijêka an hong om anghan an ratha ringna roijêka om ngei kôma han; an ratha ringna han Pathien anga an om theina rangin an kôma chong misîr ani.

Pathien manboipêkngei enkolpu sa

7 Neinun murdi mongna anâi zoi, masikin chubai nin tho theina rangin indîntheiin intûng roi.

1 Pedro 4

Pathien manboipêkngei enkolpu sa

Veja também

Oração para pedir a Deus que aumente a fé quando o coração está cheio de dúvida

O que é o Espírito Santo e qual é o seu papel na vida cristã?