3 Pathien’n inthienghiei rang le hur le ngal mâkphar rangin nangni a nuom ani. 4 Pasal tinin nin dôngma *4:4: No lômnu leh om roi; aninônchu Na taksa donsûi thei roh. ngei leh inthiengtak le miritomtaka om rang lam nin riet rang ania, 5 Pathien riet loi sonongngei angin hurna tieng ngâituinasip ôi leh niloiin. 6 Hanchu ma roia han, tukhomin nin khristien champui dangngei chunga tho minchâi no roi aninônchu inlâpna tho no roi. Ma anga thopu ngei chu Pumapa’n dûkmintong ngei atih, tiin nangni kin lei rila, male inningna lientak nangni kin pêksai ani. 7 Pathien’n nunchan ânthiengloia om rangin mi koi maka, ânthienga om rangin kêng mi koi ani.