Chongphuong 19:11-21 | SAK

Sakor ngoi chunga chuongpu

11 Hanchu invân ân-ong ku mua, male mahan sakor ngoi aoma. Achunga chuongpu hah Taksônom le Adik ani; ama han adiktakin roi a jêka a râlngei a doi ngâi.19:11: Ezek 1:1; Lap 96:13; Isa 11:4 12 A mitngei hah meidon aphuoa, male a lua rênglukhumngei tamtak ân khuma. A chunga riming ânziek amananâk pêna chu tutên imo aomtie an riet theiloi a dôna.19:12: Dan 10:6 13 Kâncholiinchuol thisen ânzozit ân haka. A riming chu, "Pathien Chong," ani. 14 Invâna râlmingei han a nûk an jûia, puoninnêm ngoi ânthieng leh invôn sakor ngoi ngei chunga an chuonga. 15 A bâi renga khandai ngaidak ahong jôka, ma lehan namtinngei doiin mene atih. Thîr tôkmol le an chunga roijêk a ta, male Râtinchung Pathien taksina natak uain sômna khur sûnga han sirdên atih.19:15: Lap 2:9; Isa 63:3; Joel 3:13; Chph 14:20 16 A kâncholiinchuol le a keêla han, "Rêngngei Rêngpa le pumangei Pumapa," ti riming miziekin aoma.

17 Hanchu vântîrton nisa chunga ânding ku mua. Phâivuo kâra vângei avuong murdi kôm han rôl inringtakin ân ieka: "Hong ungla hôntup roi Pathien ruolhoi roiinpuitaka rangin!19:17-18: Ezek 39:17-20 18 Hong ungla, rêngngei meh, râlmi uliengei meh, le râlmingei meh, sakorngei meh le a chunga chuongngei meh, mingei murdi meh, suokngei meh le zalenngei meh, alien le achîn ngei meh, hong sâk roi!" a tia.

19 Hanchu sarâng le pilchunga rêngngei le an râlmingei hah sakor chunga chuongpu le a râlmingei doia inbuonpui rangin an hôntûp ku mua. 20 Sarâng hah an sûra, dêipu dikloi a mitmua sininkhêlngei sinpu hah khom an sûr sa. (Ma sininkhêlngei a sin sika han sarâng sînthona dôn ngei le arimil chubaimûk ngâipu ngei hah a huong ngei ngâi ani.) Sarâng le dêipu dikloi ngei anruonin an ringchungin kâta kâng, meidîla han an vôrpai ngei zoi.19:20: Chph 13:1-18 21 An râlmingei hah chu sakor chunga chuongpu bâia hong jôk khandai lehan a that ngeia; male vângei murdi han an phari dodôrin an meh ngei hah an sâk zoi.

Chongphuong 19

Sakor ngoi chunga chuongpu

Estes versículos te tocaram? Ore agora!

Veja também

Liderança cristã: como delegar responsabilidades de maneira eficaz?

5 qualidades de um líder cristão segundo a Bíblia