Atos 16:10-17 | Versão SAK

10 Paul’n inlârna hi a mu suole chu Macedonia rama se rangin kin inthok kelen zoia, ha rama mingei kôma Thurchi Sa misîr rangin Pathien’n mi koi sikin.

Phillipi khuoa Lydia inthûlna

11 Troas renga rukuongin kin jôka, Samothrace kin thengpata, male anangtûka Neapolis kin sea. 12 Ha renga hah Philippia kin sea, ha khopuilien hah Macedonia; rama khuo inkhat ania, ma biela han chu khuo kâm omtak ani. Rom mingei bung ani. Ma khuoa han sûn tamtak kin châma. 13 Sabbathni khopui pêntienga tuidung panga Judangei chubaithona ngâi mun ni ranga kin iema han kin sea; mahan kin insunga nupang intûp ngei kôm thurchi kin misîra. 14 Ha ngei lâia mi a riming Lydia, Thyatira, khuo mi puon senduk juor ngâi, Pathiena inbei mi nupang inkhatin chong a rieta; male Paul thurchi misîr jôm rangin Pumapa’n a mulungrîl a minvâr pea. 15 Ama le a inmingeiin baptisma an chang zoiin chu, "Pumapa iem tatakin ni nan bêa anin chu ki ina hong tung roi tiin mi siel rîta," ni sûr zoi.

Phillipia Paul le Silas intâng ina ankhum

16 Sûnkhat chu chubaithona muna kin se lâiin suok dôngmate inkhat ramkhori sûra taruosân thei kin intongpuia, amanu han taruosân a theina sika han a pu ngei sum tamtak a lo pe ngâia. 17 Hanu han Paul le Keini mi jûia, "Hi mi, Sanminringna lampui nangni ril ngei hih, Ânchungtak Pathien tîrlâmngei an ni hi," tiin âniek ngâia.

Atos 16

Phillipi khuoa Lydia inthûlna

Phillipia Paul le Silas intâng ina ankhum

Veja também

Oração para pedir a Deus que aumente a fé quando o coração está cheio de dúvida

O que é o Espírito Santo e qual é o seu papel na vida cristã?