John 11

21 Martha’n Jisua kôm, "Pumapa, hin no om nisenla chu ku nuchapa hi thi no nih! 22 Aniatachu atûn khom Pathien kôm no zong kai chu nang pêk a tih, ti ki riet," a tia.

23 Jisua’n a kôm, "Nu nuchapa inthoinôk atih," tiin a rila.

24 Amanu han, "Sûn nûktaka chu inthoi nôk a tih, ti ki riet," tiin a thuona.

25 Jisua’n amanu kôm han, "Keima hi inthoinôkna le ringna ki ni. Tukhom mi iem kai chu thi khomsenla ngei ring an tih; 26 male tukhom a ringa keima mi iem chu thi tet no ni ngei. Ma hih ni iem mo?" a tia.

27 Amanu han a kôm, "Ani, Pumapa!" ki iem. "Nangma hih Messiah, Pathien Nâipasal, rammuola juong rangpu ha ni ni ti ki iem tatak," tiin a thuona.