João 13:1-17 | Versão SAK

Jisua’n a ruoisingei kengei a rusûk

1 Kalkân kût khohoi rang ni motontet ahong ni zoia. Jisua’n hi rammuol hih mâkin Pa kôm a se rang zora atung zoi ti a rieta. Ama ta ngei lelê, hi rammuola om, a lungkham ngâi ngei hah among ni dênin a lungkham ngei tita.

2 Jisua le a ruoisingei jânbu an nêk han. Diabol’n Simon Iscariot nâipasal Judas mulungrîla Jisua13:2: Diabol ha Jisua minsûr rangin; aninônchu Diabol’n Simon Iscariot nâipasal Judas ha, Jisua minsûr rangin, a lei masat suo zoi ani. minsûr rangin mindonna a lei dar chien zoia. 3 Jisua hah, Pa’n rachamneina murdi a pêk, ti le Pathien renga juong ania, Pathien kôm se nôk rang ani ti a rieta. 4 Masikin bukhalâi otna dosâng kung renga ânthoia, a chunghak kâncholi a kheka, male inhûinapuon a lâka, a kong a khita. 5 Hanchu dabôra tui a sunga, ruoisingei kengei a rusûk phut zoia, a konga puon lehan a hûi pe ngeia. 6 Simon Peter kôm a honga, ama han, "Pumapa nangman ke kengei nursûk rang mo?" a tia.

7 Jisua’n a kôm, "Ki sintho hi atûn chu la riet mak che, hannirese nangkana chu la riet ni tih," tiin a thuona.

8 Peter’n a kôm, "Nangman chu khotiklâi khom ka kengei rusûk tet no ti nih!" a tia.

Jisua’n a kôm, "Ne kengei kursûk nônchu ku ruoisi ni khâi no tinih," a tia.

9 Simon Peter’n a kôm, "Pumapa, nônchu ke kengei vai rusûk nônla, ku kutngei le ku lu khom rusûk sa roh!" tiin a thuona.

10 13:10: an ke tilloiin chu ti hih miziek senkhat ngei chu dôn mak ngei. Jisua’n a tia, "Tukhom tui ânbuol sai chu asâi zoi ani, a kengei tilloiin chu adang arsûk rang nâng khâi maka. Nin lâia mi inkhat tiloiin chu nin rêngin nin sâivar zoi." 11 (Jisua’n a minsûr rangpu ha a riet chien sai ani; sikin, "Nin lâia mi inkhat, tiloiin chu, nin rêngin nin sâivar zoi," a ti ani)

12 Jisua’n an kengei arsûk suole chu a chunghak kâncholi a haka male a mun nanâka dosâng tieng a kîr nôka. "Nin chunga ki sintho hih nin riet thei mo?" tiin a rekel ngeia. 13:12-15: Luk 22:27 13 "Nangnin Minchupu le Pumapa mi nin tia, nin ti mindik ani, asikchu ni khom ki ni tatak ani. 14 Keima, nin Pumapa le Minchupu’n luo nin kengei ku rusûk ani, Ma anghan, nangni khom nin kengei nin rusûk inlôm rang ani. 15 Nin chunga ko tho anghin nangni khomin nin tho theina rangin nangni ki min mu ani. 16 Chongdiktak nangni ki ril: suokngei hih an pu nêkin lien mak ngeia, thangtheipungei khom a tîrpu nêkin lien mak ngei.13:16: Mat 10:24; Luk 6:40; Joh 15:20 17 Atûn chu ma chongdik hah nin riet zoi, nin jômin chu nin râisân tatak atih!

João 13

Jisua’n a ruoisingei kengei a rusûk

Veja também

O que é o Espírito Santo e qual é o seu papel na vida cristã?

Oração para pedir a Deus que aumente a fé quando o coração está cheio de dúvida