Jisua’n a suok renga mitcho pasal inkhat a mindam
1 Jisua a lôn lâitakin, asuok renga mitcho pasal inkhat a mua. 2 A ruoisingeiin a kôm, "Minchupu, hi mi hih tu sietna sika mitchoa ânzir mo? Ama sietna sika mo, a nulepangei sietnangei sika mo?" tiin an rekela.
3 Jisua’n an kôm, "Hi pa mitchona hih a sietnangei sika aninônchu a nulepangei sietnangei sika khom ni uol mak. Pathien sinthotheina ranakrât a chunga mu theia aomna ranga ani. 4 Sûn ani lâi hin, mi tîrpu sin ei tho rang ania; jân ajîng rang kêng ani zoi, ma tikin chu tutên sin tho thei khâi no ni ngei. 5 Rammuola ko om kâr chu rammuol minvârpu ki ni," a tia.9:5: Mat 5:14; Joh 8:12
6 Ma hah a ti suole chu, Jisua’n pil a michila, a michil leh han dielnâng a sinna; dielnâng hah a mit ngeia a pol pea, 7 male a kôm, "Sênla, Siloam dîla na mâi va phia roh," a tia. (Siloam riming aomtie chu "Tîr" tina ani.) Ma anghan ha mi hah a sea, a mâi a va phia, a mit avârin a hong kîr nôk zoi ani.
8 Hanchu a bungmingei le a kutdo lâi a lei mu ngâi ngei han, "Hi mi hih ânsunga a kutdo ngâipu ha nimak mo?" an tia.
9 Mi senkhatin chu, "Hi mi hih ani," an tia, aniatachu adangngeiin chu, "Hi mi hih nimak; ânphuopui kêng ani," an tia.
Masikin amananâkin, "Ha mi hah ki ni," a tia.
10 Anni ngei han, "Kho angin mo ni mit ahong vâr nôk?" tiin an rekela.
11 Ama han, "Mi inkhat Jisua an ti pu han dielnâng a sina, ki mita a pola, male Siloam dîla sênla, na mâi va phia roh a tia. Ma anghan ke sea, ka mâi ka va phia suo renghan chu ku mu thei kelen ani," tiin a thuon ngeia.
12 "Ama hah khonmo aom?" tiin an rekela.
Ama han, "Riet mu-ung" tiin a thuon ngeia.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)