Lucas 1:26-38 | Versão SAK

Jisua suok rang leiril masâna

26 Elizabeth nâivong, atha ruk nân chu Pathien’n a vântîrton Gabriel Galilee ram Nazareth khopuia a tîra. 27 Rêng David rûia mi Joseph lômnu biek dôngmate Mary kôma chong juong ichôiin.1:27: Mat 1:18 28 Mary kôma a lûta, "Nu chunga ratha inngamna om rese! Pumapa nu chunga a om, sat nang a vur ok" a tia.

29 Ha chong hah a rieta anîn chu imo ani zoi, tiin a mulung a minjîng oka. 30 Hanchu, vântîrton han, "Mary chi no roh, Pathien’n ai minlut tak mi nini. 31 Nâivong na ta, nâipasal nei na ta, a riming Jisua ni phuo rang ani.1:31: Mat 1:21 32 Mi lien nîng a ta, Ânchungtaka Pathien nâi tîng an tih. Pumapa Pathien’n David anghan Rêng minchang a tih. 1:32,33: 2 Sam 7:12,13,16; Isa 9:7 33 Jakob richingei chunga rêngin om a ta, ânlalna ramin mong tik nei khâi no nih" a tia. 34 Hanchu Mary’n vântîrton kôma, "Mahah kho angin mo anithei ranga? dôngmate kêng ka lani hite" a tia.

35 Vântîrton han a thuona, "Ratha Inthieng nu chunga juong a ta, Pathien Ratha nu chunga om a tih. Masikin kêng nâite inthieng khom Pathien Nâipasala be ani rang. 36 Nu juorpuinu Elizabeth khom aching an iti hah, a tar ok khoma a nâivongna thâ ruk ani zoi. 37 Asikchu Pathien chu ite a tho theiloi omak," a ti pea.1:37: Aph 18:14

38 Hanchu, Mary’n, "Pumapa tîrlâmnu ki ni, ni ti lam angtakin ku chunga tung rese," a tia. Masuole chu vântîrton han ama amâk zoi.

Lucas 1

Jisua suok rang leiril masâna

Veja também

Oração para pedir a Deus que aumente a fé quando o coração está cheio de dúvida

O que é o Espírito Santo e qual é o seu papel na vida cristã?