Jisua Biekina an minlang
22 Moses balam chongpêk angin minthieng rang ni ahong chukin chu, Joseph le Mary’n an nâite Pumapa kôma minlang rangin Jerusalem Biekina an hong puia. 23 Balam lekhabua, "Nâilutîr pasal kai chu Pumapa ta rang ani," itia ânziek anghan.2:23: Jôk 13:2,12 24 Pumapa balam anghan vasu bop khat mo, pharvali bop khat mo, an pêk sa rang ani. 2:24: Och 13:2,12
25 Ma zora han Jerusalema a riming Simeon an ti a oma, ha mi hah mi sa, Pathien minlut mi tak ania, Isreal jôk rang ni ngâkin, a chunga Ratha Inthieng a oma. 26 Pumapa chonginkhâm, Messiah a mu mâka thi no nih, itia inkhâm ani. 27 Ratha ruoiin Simeon hah Biekina a sea. Balam anga achunga sin rangin a nû le a pa’n nâite Jisua, Biekina an hong puia. 28 Simeon’n nâite a poma, Pathien kôm râisânchong a rila;
29 "Pumapa, atûn chu no chongkhâm angin,
Ni tîrlâm hih rathangamin ni na man se rang ani zoi.
30 Ki mit lelên na sanminringna a mu zoi,
31 Mitin mu ranga ni mintuo hah.
32 Nu lungdo, Jentailngei kôma inlang rang vâr le2:32: Isa 42:6; 49:6; 52:10
Ni mi Isrealngei roiinpuina rang chu" a tia.
33 Nâite chungroi Simeon’n ai misîr hah a nu le a pa’n an kamâm sabak ani. 34 Hanchu Simeon’n, sat a vura, a nu Mary kôma, "Hi nâite hih Pathien ithang, Isreal lâia mi tamtak inmangna rang le jôkna rang ani. Pathien sînthona mi tamtak ngei makhal rang nîng a tih. 35 Mi mindonna inthup minlang a ta, khandai angai angin ngâisietnân na mulung sunkhoi a tih," a tipea.
36,37 Mahan dêipu meithâi atar inkhat, a riming Anna an ti, Asher rûia mi, Phanuel nâinupang a oma. kum sari vai inneiin a oma, kum sômriet minli meithâiin a oma2:36-37 kum sômriet minli meithâiin a oma; nônchu ama hah kum 84 tar ani.. Biekin mâk loiin a sûn a jânin bu ngêia Pathien Biekina, chubai thôn a om ngâia. 38 Ma zora taka han a hongtunga, Pathien kôm râisânchong a rila, Jerusalem jôkna ranga Pathien lei ngâk ngei kôma khom nâipang Jisua thurchi a misîr pe sa zoi.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)