Lucas 22:54-62 | Versão SAK

Peter’n Jisua a ipdel

54 Hanchu, Jisua an sûra, Ochai Inlaltak ina an tuonga, Peter’n alazanin a jûia. 55 In khalâidung alâitak han mei an thoa, mei rihila insungruma mei uot ngei lâia han Peter khom a vân sunga. 56 Nupang tîrlâm inkhatin mei kunga ânsung a mua, a mitjuoka, "Hi mi khom hih Jisua kôma om ngâi mi ani," a tia 57 Peter’n, "Nupang, ama hah riet luo riet ngâi mu-ung" tiin a minlêma. 58 Anangkan uola chu mi inkhatin Peter kôma, "Nang khom an lâia mi ni ni" a tia. Peter’n, "Miriem, kei chu ni mu-ung" tiin a thuona. 59 Hanchu dârkârkhat suole chu midangin, "Ite okchâna boi riekin hi mi khom hih Jisua kôma om ngâi ani, Galilee mi ani sikin" ati ngita. 60 Ania Peter’n, "Miriempa, ni ti ngei hah riet mu-ung" tiin a thuona. Harenghan a la chong lâi takin âr akhuong zoia. 61 Hanchu Pumapa hah ânheia, Peter a en ngita. Hanchu, Peter’n Pumapa’n a kôma, "Avien jân âr akhuong mân voithum ni ipdel ni tih," ai tipe hah a rietsuoka. 62 Hanchu, Peter a jôkpaia, a chap ngungui zoi.

Lucas 22

Peter’n Jisua a ipdel

Veja também

O que é o Espírito Santo e qual é o seu papel na vida cristã?

Oração para pedir a Deus que aumente a fé quando o coração está cheio de dúvida