A iemloi khopuingei
20 Jisua’n sininkhêl a thona khopuingeia mingei han an nunsienangei renga inhei mak ngeia, masikin ha khopuingei hah a ngo ngeia. 21 "Korazin, nu chungroi arik bah na! Bethsaida, khom nu chungroi arik bah na! Nangnia sininkhêl sina omngei hah Tyre le Sidon’a lei sin nisenla chu, ma taka mingei han an nunsiena ngei renga an inhei minlangnân thoilapuon insilin ruvuta an inbuolna sôt atih zoi!11:21: Isa 23:1-18; Ezek 26:1—28:26; Joel 3:4-8; Amos 1:9-10; Zak 9:2-4 22 Adiktakin nangni ki ril, Roijêk Nikhuon chu Pathien’n nangni nêkin chu Tyre le Sidon mingei chunga mulungjûrpuina minlang uol atih! 23 Nangma, Capernaum rang khom! nangma nethenin invân dênin indomsâng rang nu nuom mini? Meidîla vôrpai nîng ni tih! Nu sûnga sininkhêl sina omngei hah Sodom’a lei sin nisenla chu aviensûn tena hin la om tit atih!11:23: Isa 14:13-15; Aph 19:24-28 24 Nang ki ril, Roijêk Nikhuon chu Pathien’n nangma nêkin chu Sodom chunga mulungjûrpuina minlang uol atih!"11:24: Mat 10:15; Luk 10:12 a tia.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)