MATTHEW 22:23-33 | SAK | Bíblia Online

Thina renga inthoi nôkna roia chongrekel

23 Mani sûn nanâk han, Sadducee senkhatngei Jisua kôm an honga mingei hih thina renga inthoi nôk no ni ngei an tia.22:23: Sin 23:8 24 Anni han, "Minchupu, ‘Moses’n mi nâi neiloiin a lômnu thisan senla, a nâipa’n ha meithâi hah luo nôk ngêtin a upa ta rangin nâi a nei pe rang ani,’22:24: Bal 25:5 a tia. 25 Atûn hin, kin lâia lâibungrêng sari an oma; ulientakin in a neia, nâi neiloiin a thia, masikin a lômnu hah a nâipa kôm a mâka. 26 A nâipa iniknapu chunga khom ma anghan a hong om nôka, a inthumnapu chunga khom, azoinataka sarinapu dênin an luo paka. 27 Anûktaka chu nupangnu khom a thi zoia. 28 Atûn, mithi ngei inthoi nôk tika han tu lômnu tak mo ani rang ani zoi? An rêngin laka an luo paka," an tia.

29 Jisua’n an kôm, "Idôra dikloi ngei mo nin ni zoi! Pathien Lekhabu nônchu Pathien sinthotheina nin riet loi sika kêng ani. 30 Mithi ngei aringin an inthoinôk tika chu invâna vântîrtonngei angin om an ti zoi, innei khâi noni ngei. 31 Atûn ithingei aringa an inthoinôkna roi: Pathien’n nangni a misîr pe hah nin la pore tet ngâiloi mini?" a tia 32 Pathien’n, "Keima Abraham Pathien, Isaac Pathien, Jacob Pathien ki ni," a tia. "Ama chu iringngei Pathien kêng ani, ithingei Pathien nimak,"22:32: Jôk 3:6 tiin a thuona.

33 Mipui ngei han mahi an rietin chu, a minchûna hah an kamâm tatak zoi ani.

MATTHEW 22

Thina renga inthoi nôkna roia chongrekel

Veja também

Filipenses 4:6 explicado: o que significa "não andeis ansiosos"?

O que é o Espírito Santo e qual é o seu papel na vida cristã?