Mateus 24

Intakna le nuomlona

3 Hanchu, Jisua Oliv tângah ânsung lâiin, a ruoisingeiin a theiin an hong intongpuia. "Mi ril ta, hi ngei hih itika mo ai tung rang," male "Nu juong nôkna rang le rammuol mongna rang minsinna hah imo ai ni rang," tiin an rekela. 4 Jisua’n an kôm han, "Tutên nangni an huong loina rangin, indîn roi. 5 Mi tamtakin, ‘Messiah hah ki ni!’ tiin keima riming songin hong an ta, mi tamtak lei huong an tih. 6 Nin kôla indoina roi riet nin ta, ala takna indoina roi inthang la riet nin tih, nikhomrese, nin jâmminzal no roi. Ha neinunngei hah chu ahongtung ngêt rang ani, nikhomrese amongna chu lani no nih.