Romans 3

Taksônna sika Pathien kôm adik intumna

21 Atûn chu Pathien’n miriemngei dik a mintum lam a juong minlang zoi. Balamin ite atho rang ommak, Moses Balam le Dêipungeiin rietpuipu lei ni senla ngei khoma. 22 Jisua Khrista an taksônna sikin Pathien’n mi thei a min chang ani, tukhom a iem murdi chu inteina reng ommak. ✝3:22: Gal 2:16 23 Mi murdi’n nunsie an tho zita, Pathien sanminjôkna hah an chang thei khâiloi ani. 24 Nikhomsenla, Khrista Jisua râtanna jârin Pathien’n a moroina sik vaiin ke mi a manboiin thei a min chang zoi.