Filemom 1

1 ଖ୍ରୀଷ୍ଟସ୍ୟ ଯୀଶୋ ର୍ବନ୍ଦିଦାସଃ ପୌଲସ୍ତୀଥିଯନାମା ଭ୍ରାତା ଚ ପ୍ରିଯଂ ସହକାରିଣଂ ଫିଲୀମୋନଂ

2 ପ୍ରିଯାମ୍ ଆପ୍ପିଯାଂ ସହସେନାମ୍ ଆର୍ଖିପ୍ପଂ ଫିଲୀମୋନସ୍ୟ ଗୃହେ ସ୍ଥିତାଂ ସମିତିଞ୍ଚ ପ୍ରତି ପତ୍ରଂ ଲିଖତଃ|

3 ଅସ୍ମାକଂ ତାତ ଈଶ୍ୱରଃ ପ୍ରଭୁ ର୍ୟୀଶୁଖ୍ରୀଷ୍ଟଶ୍ଚ ଯୁଷ୍ମାନ୍ ପ୍ରତି ଶାନ୍ତିମ୍ ଅନୁଗ୍ରହଞ୍ଚ କ୍ରିଯାସ୍ତାଂ|

4 ପ୍ରଭୁଂ ଯୀଶୁଂ ପ୍ରତି ସର୍ୱ୍ୱାନ୍ ପୱିତ୍ରଲୋକାନ୍ ପ୍ରତି ଚ ତୱ ପ୍ରେମୱିଶ୍ୱାସଯୋ ର୍ୱୃତ୍ତାନ୍ତଂ ନିଶମ୍ୟାହଂ

5 ପ୍ରାର୍ଥନାସମଯେ ତୱ ନାମୋଚ୍ଚାରଯନ୍ ନିରନ୍ତରଂ ମମେଶ୍ୱରଂ ଧନ୍ୟଂ ୱଦାମି|

6 ଅସ୍ମାସୁ ଯଦ୍ୟତ୍ ସୌଜନ୍ୟଂ ୱିଦ୍ୟତେ ତତ୍ ସର୍ୱ୍ୱଂ ଖ୍ରୀଷ୍ଟଂ ଯୀଶୁଂ ଯତ୍ ପ୍ରତି ଭୱତୀତି ଜ୍ଞାନାଯ ତୱ ୱିଶ୍ୱାସମୂଲିକା ଦାନଶୀଲତା ଯତ୍ ସଫଲା ଭୱେତ୍ ତଦହମ୍ ଇଚ୍ଛାମି|

7 ହେ ଭ୍ରାତଃ, ତ୍ୱଯା ପୱିତ୍ରଲୋକାନାଂ ପ୍ରାଣ ଆପ୍ୟାଯିତା ଅଭୱନ୍ ଏତସ୍ମାତ୍ ତୱ ପ୍ରେମ୍ନାସ୍ମାକଂ ମହାନ୍ ଆନନ୍ଦଃ ସାନ୍ତ୍ୱନା ଚ ଜାତଃ|

8 ତ୍ୱଯା ଯତ୍ କର୍ତ୍ତୱ୍ୟଂ ତତ୍ ତ୍ୱାମ୍ ଆଜ୍ଞାପଯିତୁଂ ଯଦ୍ୟପ୍ୟହଂ ଖ୍ରୀଷ୍ଟେନାତୀୱୋତ୍ସୁକୋ ଭୱେଯଂ ତଥାପି ୱୃଦ୍ଧ

9 ଇଦାନୀଂ ଯୀଶୁଖ୍ରୀଷ୍ଟସ୍ୟ ବନ୍ଦିଦାସଶ୍ଚୈୱମ୍ଭୂତୋ ଯଃ ପୌଲଃ ସୋଽହଂ ତ୍ୱାଂ ୱିନେତୁଂ ୱରଂ ମନ୍ୟେ|

10 ଅତଃ ଶୃଙ୍ଖଲବଦ୍ଧୋଽହଂ ଯମଜନଯଂ ତଂ ମଦୀଯତନଯମ୍ ଓନୀଷିମମ୍ ଅଧି ତ୍ୱାଂ ୱିନଯେ|

11 ସ ପୂର୍ୱ୍ୱଂ ତୱାନୁପକାରକ ଆସୀତ୍ କିନ୍ତ୍ୱିଦାନୀଂ ତୱ ମମ ଚୋପକାରୀ ଭୱତି|

12 ତମେୱାହଂ ତୱ ସମୀପଂ ପ୍ରେଷଯାମି, ଅତୋ ମଦୀଯପ୍ରାଣସ୍ୱରୂପଃ ସ ତ୍ୱଯାନୁଗୃହ୍ୟତାଂ|

13 ସୁସଂୱାଦସ୍ୟ କୃତେ ଶୃଙ୍ଖଲବଦ୍ଧୋଽହଂ ପରିଚାରକମିୱ ତଂ ସ୍ୱସନ୍ନିଧୌ ୱର୍ତ୍ତଯିତୁମ୍ ଐଚ୍ଛଂ|

14 କିନ୍ତୁ ତୱ ସୌଜନ୍ୟଂ ଯଦ୍ ବଲେନ ନ ଭୂତ୍ୱା ସ୍ୱେଚ୍ଛାଯାଃ ଫଲଂ ଭୱେତ୍ ତଦର୍ଥଂ ତୱ ସମ୍ମତିଂ ୱିନା କିମପି କର୍ତ୍ତୱ୍ୟଂ ନାମନ୍ୟେ|

15 କୋ ଜାନାତି କ୍ଷଣକାଲାର୍ଥଂ ତ୍ୱତ୍ତସ୍ତସ୍ୟ ୱିଚ୍ଛେଦୋଽଭୱଦ୍ ଏତସ୍ୟାଯମ୍ ଅଭିପ୍ରାଯୋ ଯତ୍ ତ୍ୱମ୍ ଅନନ୍ତକାଲାର୍ଥଂ ତଂ ଲପ୍ସ୍ୟସେ

16 ପୁନ ର୍ଦାସମିୱ ଲପ୍ସ୍ୟସେ ତନ୍ନହି କିନ୍ତୁ ଦାସାତ୍ ଶ୍ରେଷ୍ଠଂ ମମ ପ୍ରିଯଂ ତୱ ଚ ଶାରୀରିକସମ୍ବନ୍ଧାତ୍ ପ୍ରଭୁସମ୍ବନ୍ଧାଚ୍ଚ ତତୋଽଧିକଂ ପ୍ରିଯଂ ଭ୍ରାତରମିୱ|

17 ଅତୋ ହେତୋ ର୍ୟଦି ମାଂ ସହଭାଗିନଂ ଜାନାସି ତର୍ହି ମାମିୱ ତମନୁଗୃହାଣ|

18 ତେନ ଯଦି ତୱ କିମପ୍ୟପରାଦ୍ଧଂ ତୁଭ୍ୟଂ କିମପି ଧାର୍ୟ୍ୟତେ ୱା ତର୍ହି ତତ୍ ମମେତି ୱିଦିତ୍ୱା ଗଣଯ|

19 ଅହଂ ତତ୍ ପରିଶୋତ୍ସ୍ୟାମି, ଏତତ୍ ପୌଲୋଽହଂ ସ୍ୱହସ୍ତେନ ଲିଖାମି, ଯତସ୍ତ୍ୱଂ ସ୍ୱପ୍ରାଣାନ୍ ଅପି ମହ୍ୟଂ ଧାରଯସି ତଦ୍ ୱକ୍ତୁଂ ନେଚ୍ଛାମି|

20 ଭୋ ଭ୍ରାତଃ, ପ୍ରଭୋଃ କୃତେ ମମ ୱାଞ୍ଛାଂ ପୂରଯ ଖ୍ରୀଷ୍ଟସ୍ୟ କୃତେ ମମ ପ୍ରାଣାନ୍ ଆପ୍ୟାଯଯ|

21 ତୱାଜ୍ଞାଗ୍ରାହିତ୍ୱେ ୱିଶ୍ୱସ୍ୟ ମଯା ଏତତ୍ ଲିଖ୍ୟତେ ମଯା ଯଦୁଚ୍ୟତେ ତତୋଽଧିକଂ ତ୍ୱଯା କାରିଷ୍ୟତ ଇତି ଜାନାମି|

22 ତତ୍କରଣସମଯେ ମଦର୍ଥମପି ୱାସଗୃହଂ ତ୍ୱଯା ସଜ୍ଜୀକ୍ରିଯତାଂ ଯତୋ ଯୁଷ୍ମାକଂ ପ୍ରାର୍ଥନାନାଂ ଫଲରୂପୋ ୱର ଇୱାହଂ ଯୁଷ୍ମଭ୍ୟଂ ଦାଯିଷ୍ୟେ ମମେତି ପ୍ରତ୍ୟାଶା ଜାଯତେ|

23 ଖ୍ରୀଷ୍ଟସ୍ୟ ଯୀଶାଃ କୃତେ ମଯା ସହ ବନ୍ଦିରିପାଫ୍ରା

24 ମମ ସହକାରିଣୋ ମାର୍କ ଆରିଷ୍ଟାର୍ଖୋ ଦୀମା ଲୂକଶ୍ଚ ତ୍ୱାଂ ନମସ୍କାରଂ ୱେଦଯନ୍ତି|

25 ଅସ୍ମାକଂ ପ୍ରଭୋ ର୍ୟୀଶୁଖ୍ରୀଷ୍ଟସ୍ୟାନୁଗ୍ରହୋ ଯୁଷ୍ମାକମ୍ ଆତ୍ମନା ସହ ଭୂଯାତ୍| ଆମେନ୍|