1 ହେ ମଦୀଯାନନ୍ଦମୁକୁଟସ୍ୱରୂପାଃ ପ୍ରିଯତମା ଅଭୀଷ୍ଟତମା ଭ୍ରାତରଃ, ହେ ମମ ସ୍ନେହପାତ୍ରାଃ, ଯୂଯମ୍ ଇତ୍ଥଂ ପଭୌ ସ୍ଥିରାସ୍ତିଷ୍ଠତ|

2 ହେ ଇୱଦିଯେ ହେ ସୁନ୍ତୁଖି ଯୁୱାଂ ପ୍ରଭୌ ଏକଭାୱେ ଭୱତମ୍ ଏତଦ୍ ଅହଂ ପ୍ରାର୍ଥଯେ|

3 ହେ ମମ ସତ୍ୟ ସହକାରିନ୍ ତ୍ୱାମପି ୱିନୀଯ ୱଦାମି ଏତଯୋରୁପକାରସ୍ତ୍ୱଯା କ୍ରିଯତାଂ ଯତସ୍ତେ କ୍ଲୀମିନାଦିଭିଃ ସହକାରିଭିଃ ସାର୍ଦ୍ଧଂ ସୁସଂୱାଦପ୍ରଚାରଣାଯ ମମ ସାହାଯ୍ୟାର୍ଥଂ ପରିଶ୍ରମମ୍ ଅକୁର୍ୱ୍ୱତାଂ ତେଷାଂ ସର୍ୱ୍ୱେଷାଂ ନାମାନି ଚ ଜୀୱନପୁସ୍ତକେ ଲିଖିତାନି ୱିଦ୍ୟନ୍ତେ|

4 ଯୂଯଂ ପ୍ରଭୌ ସର୍ୱ୍ୱଦାନନ୍ଦତ| ପୁନ ର୍ୱଦାମି ଯୂଯମ୍ ଆନନ୍ଦତ|

5 ଯୁଷ୍ମାକଂ ୱିନୀତତ୍ୱଂ ସର୍ୱ୍ୱମାନୱୈ ର୍ଜ୍ଞାଯତାଂ, ପ୍ରଭୁଃ ସନ୍ନିଧୌ ୱିଦ୍ୟତେ|

6 ଯୂଯଂ କିମପି ନ ଚିନ୍ତଯତ କିନ୍ତୁ ଧନ୍ୟୱାଦଯୁକ୍ତାଭ୍ୟାଂ ପ୍ରାର୍ଥନାଯାଞ୍ଚାଭ୍ୟାଂ ସର୍ୱ୍ୱୱିଷଯେ ସ୍ୱପ୍ରାର୍ଥନୀଯମ୍ ଈଶ୍ୱରାଯ ନିୱେଦଯତ|

7 ତଥା କୃତ ଈଶ୍ୱରୀଯା ଯା ଶାନ୍ତିଃ ସର୍ୱ୍ୱାଂ ବୁଦ୍ଧିମ୍ ଅତିଶେତେ ସା ଯୁଷ୍ମାକଂ ଚିତ୍ତାନି ମନାଂସି ଚ ଖ୍ରୀଷ୍ଟେ ଯୀଶୌ ରକ୍ଷିଷ୍ୟତି|

8 ହେ ଭ୍ରାତରଃ, ଶେଷେ ୱଦାମି ଯଦ୍ୟତ୍ ସତ୍ୟମ୍ ଆଦରଣୀଯଂ ନ୍ୟାଯ୍ୟଂ ସାଧୁ ପ୍ରିଯଂ ସୁଖ୍ୟାତମ୍ ଅନ୍ୟେଣ ଯେନ କେନଚିତ୍ ପ୍ରକାରେଣ ୱା ଗୁଣଯୁକ୍ତଂ ପ୍ରଶଂସନୀଯଂ ୱା ଭୱତି ତତ୍ରୈୱ ମନାଂସି ନିଧଧ୍ୱଂ|

9 ଯୂଯଂ ମାଂ ଦୃଷ୍ଟ୍ୱା ଶ୍ରୁତ୍ୱା ଚ ଯଦ୍ୟତ୍ ଶିକ୍ଷିତୱନ୍ତୋ ଗୃହୀତୱନ୍ତଶ୍ଚ ତଦେୱାଚରତ ତସ୍ମାତ୍ ଶାନ୍ତିଦାଯକ ଈଶ୍ୱରୋ ଯୁଷ୍ମାଭିଃ ସାର୍ଦ୍ଧଂ ସ୍ଥାସ୍ୟତି|

10 ମମୋପକାରାଯ ଯୁଷ୍ମାକଂ ଯା ଚିନ୍ତା ପୂର୍ୱ୍ୱମ୍ ଆସୀତ୍ କିନ୍ତୁ କର୍ମ୍ମଦ୍ୱାରଂ ନ ପ୍ରାପ୍ନୋତ୍ ଇଦାନୀଂ ସା ପୁନରଫଲତ୍ ଇତ୍ୟସ୍ମିନ୍ ପ୍ରଭୌ ମମ ପରମାହ୍ଲାଦୋଽଜାଯତ|

11 ଅହଂ ଯଦ୍ ଦୈନ୍ୟକାରଣାଦ୍ ଇଦଂ ୱଦାମି ତନ୍ନହି ଯତୋ ମମ ଯା କାଚିଦ୍ ଅୱସ୍ଥା ଭୱେତ୍ ତସ୍ୟାଂ ସନ୍ତୋଷ୍ଟୁମ୍ ଅଶିକ୍ଷଯଂ|

12 ଦରିଦ୍ରତାଂ ଭୋକ୍ତୁଂ ଶକ୍ନୋମି ଧନାଢ୍ୟତାମ୍ ଅପି ଭୋକ୍ତୁଂ ଶକ୍ନୋମି ସର୍ୱ୍ୱଥା ସର୍ୱ୍ୱୱିଷଯେଷୁ ୱିନୀତୋଽହଂ ପ୍ରଚୁରତାଂ କ୍ଷୁଧାଞ୍ଚ ଧନଂ ଦୈନ୍ୟଞ୍ଚାୱଗତୋଽସ୍ମି|

13 ମମ ଶକ୍ତିଦାଯକେନ ଖ୍ରୀଷ୍ଟେନ ସର୍ୱ୍ୱମେୱ ମଯା ଶକ୍ୟଂ ଭୱତି|

14 କିନ୍ତୁ ଯୁଷ୍ମାଭି ର୍ଦୈନ୍ୟନିୱାରଣାଯ ମାମ୍ ଉପକୃତ୍ୟ ସତ୍କର୍ମ୍ମାକାରି|

15 ହେ ଫିଲିପୀଯଲୋକାଃ, ସୁସଂୱାଦସ୍ୟୋଦଯକାଲେ ଯଦାହଂ ମାକିଦନିଯାଦେଶାତ୍ ପ୍ରତିଷ୍ଠେ ତଦା କେୱଲାନ୍ ଯୁଷ୍ମାନ୍ ୱିନାପରଯା କଯାପି ସମିତ୍ୟା ସହ ଦାନାଦାନଯୋ ର୍ମମ କୋଽପି ସମ୍ବନ୍ଧୋ ନାସୀଦ୍ ଇତି ଯୂଯମପି ଜାନୀଥ|

16 ଯତୋ ଯୁଷ୍ମାଭି ର୍ମମ ପ୍ରଯୋଜନାଯ ଥିଷଲନୀକୀନଗରମପି ମାଂ ପ୍ରତି ପୁନଃ ପୁନର୍ଦାନଂ ପ୍ରେଷିତଂ|

17 ଅହଂ ଯଦ୍ ଦାନଂ ମୃଗଯେ ତନ୍ନହି କିନ୍ତୁ ଯୁଷ୍ମାକଂ ଲାଭୱର୍ଦ୍ଧକଂ ଫଲଂ ମୃଗଯେ|

18 କିନ୍ତୁ ମମ କସ୍ୟାପ୍ୟଭାୱୋ ନାସ୍ତି ସର୍ୱ୍ୱଂ ପ୍ରଚୁରମ୍ ଆସ୍ତେ ଯତ ଈଶ୍ୱରସ୍ୟ ଗ୍ରାହ୍ୟଂ ତୁଷ୍ଟିଜନକଂ ସୁଗନ୍ଧିନୈୱେଦ୍ୟସ୍ୱରୂପଂ ଯୁଷ୍ମାକଂ ଦାନଂ ଇପାଫ୍ରଦିତାଦ୍ ଗୃହୀତ୍ୱାହଂ ପରିତୃପ୍ତୋଽସ୍ମି|

19 ମମେଶ୍ୱରୋଽପି ଖ୍ରୀଷ୍ଟେନ ଯୀଶୁନା ସ୍ୱକୀଯୱିଭୱନିଧିତଃ ପ୍ରଯୋଜନୀଯଂ ସର୍ୱ୍ୱୱିଷଯଂ ପୂର୍ଣରୂପଂ ଯୁଷ୍ମଭ୍ୟଂ ଦେଯାତ୍|

20 ଅସ୍ମାକଂ ପିତୁରୀଶ୍ୱରସ୍ୟ ଧନ୍ୟୱାଦୋଽନନ୍ତକାଲଂ ଯାୱଦ୍ ଭୱତୁ| ଆମେନ୍|

21 ଯୂଯଂ ଯୀଶୁଖ୍ରୀଷ୍ଟସ୍ୟୈକୈକଂ ପୱିତ୍ରଜନଂ ନମସ୍କୁରୁତ| ମମ ସଙ୍ଗିଭ୍ରାତରୋ ଯୂଷ୍ମାନ୍ ନମସ୍କୁର୍ୱ୍ୱତେ|

22 ସର୍ୱ୍ୱେ ପୱିତ୍ରଲୋକା ୱିଶେଷତଃ କୈସରସ୍ୟ ପରିଜନା ଯୁଷ୍ମାନ୍ ନମସ୍କୁର୍ୱ୍ୱତେ|

23 ଅସ୍ମାକଂ ପ୍ରଭୋ ର୍ୟୀଶୁଖ୍ରୀଷ୍ଟସ୍ୟ ପ୍ରସାଦଃ ସର୍ୱ୍ୱାନ୍ ଯୁଷ୍ମାନ୍ ପ୍ରତି ଭୂଯାତ୍| ଆମେନ୍|