1 ୱିଶ୍ୱାସେନ ସପୁଣ୍ୟୀକୃତା ୱଯମ୍ ଈଶ୍ୱରେଣ ସାର୍ଦ୍ଧଂ ପ୍ରଭୁଣାସ୍ମାକଂ ଯୀଶୁଖ୍ରୀଷ୍ଟେନ ମେଲନଂ ପ୍ରାପ୍ତାଃ|

2 ଅପରଂ ୱଯଂ ଯସ୍ମିନ୍ ଅନୁଗ୍ରହାଶ୍ରଯେ ତିଷ୍ଠାମସ୍ତନ୍ମଧ୍ୟଂ ୱିଶ୍ୱାସମାର୍ଗେଣ ତେନୈୱାନୀତା ୱଯମ୍ ଈଶ୍ୱରୀଯୱିଭୱପ୍ରାପ୍ତିପ୍ରତ୍ୟାଶଯା ସମାନନ୍ଦାମଃ|

3 ତତ୍ କେୱଲଂ ନହି କିନ୍ତୁ କ୍ଲେଶଭୋଗେଽପ୍ୟାନନ୍ଦାମୋ ଯତଃ କ୍ଲେଶାाଦ୍ ଧୈର୍ୟ୍ୟଂ ଜାଯତ ଇତି ୱଯଂ ଜାନୀମଃ,

4 ଧୈର୍ୟ୍ୟାଚ୍ଚ ପରୀକ୍ଷିତତ୍ୱଂ ଜାଯତେ, ପରୀକ୍ଷିତତ୍ୱାତ୍ ପ୍ରତ୍ୟାଶା ଜାଯତେ,

5 ପ୍ରତ୍ୟାଶାତୋ ୱ୍ରୀଡିତତ୍ୱଂ ନ ଜାଯତେ, ଯସ୍ମାଦ୍ ଅସ୍ମଭ୍ୟଂ ଦତ୍ତେନ ପୱିତ୍ରେଣାତ୍ମନାସ୍ମାକମ୍ ଅନ୍ତଃକରଣାନୀଶ୍ୱରସ୍ୟ ପ୍ରେମୱାରିଣା ସିକ୍ତାନି|

6 ଅସ୍ମାସୁ ନିରୁପାଯେଷୁ ସତ୍ସୁ ଖ୍ରୀଷ୍ଟ ଉପଯୁକ୍ତେ ସମଯେ ପାପିନାଂ ନିମିତ୍ତଂ ସ୍ୱୀଯାନ୍ ପ୍ରଣାନ୍ ଅତ୍ୟଜତ୍|

7 ହିତକାରିଣୋ ଜନସ୍ୟ କୃତେ କୋପି ପ୍ରଣାନ୍ ତ୍ୟକ୍ତୁଂ ସାହସଂ କର୍ତ୍ତୁଂ ଶକ୍ନୋତି, କିନ୍ତୁ ଧାର୍ମ୍ମିକସ୍ୟ କୃତେ ପ୍ରାଯେଣ କୋପି ପ୍ରାଣାନ୍ ନ ତ୍ୟଜତି|

8 କିନ୍ତ୍ୱସ୍ମାସୁ ପାପିଷୁ ସତ୍ସ୍ୱପି ନିମିତ୍ତମସ୍ମାକଂ ଖ୍ରୀଷ୍ଟଃ ସ୍ୱପ୍ରାଣାନ୍ ତ୍ୟକ୍ତୱାନ୍, ତତ ଈଶ୍ୱରୋସ୍ମାନ୍ ପ୍ରତି ନିଜଂ ପରମପ୍ରେମାଣଂ ଦର୍ଶିତୱାନ୍|

9 ଅତଏୱ ତସ୍ୟ ରକ୍ତପାତେନ ସପୁଣ୍ୟୀକୃତା ୱଯଂ ନିତାନ୍ତଂ ତେନ କୋପାଦ୍ ଉଦ୍ଧାରିଷ୍ୟାମହେ|

10 ଫଲତୋ ୱଯଂ ଯଦା ରିପୱ ଆସ୍ମ ତଦେଶ୍ୱରସ୍ୟ ପୁତ୍ରସ୍ୟ ମରଣେନ ତେନ ସାର୍ଦ୍ଧଂ ଯଦ୍ୟସ୍ମାକଂ ମେଲନଂ ଜାତଂ ତର୍ହି ମେଲନପ୍ରାପ୍ତାଃ ସନ୍ତୋଽୱଶ୍ୟଂ ତସ୍ୟ ଜୀୱନେନ ରକ୍ଷାଂ ଲପ୍ସ୍ୟାମହେ|

11 ତତ୍ କେୱଲଂ ନହି କିନ୍ତୁ ଯେନ ମେଲନମ୍ ଅଲଭାମହି ତେନାସ୍ମାକଂ ପ୍ରଭୁଣା ଯୀଶୁଖ୍ରୀଷ୍ଟେନ ସାମ୍ପ୍ରତମ୍ ଈଶ୍ୱରେ ସମାନନ୍ଦାମଶ୍ଚ|

12 ତଥା ସତି, ଏକେନ ମାନୁଷେଣ ପାପଂ ପାପେନ ଚ ମରଣଂ ଜଗତୀଂ ପ୍ରାୱିଶତ୍ ଅପରଂ ସର୍ୱ୍ୱେଷାଂ ପାପିତ୍ୱାତ୍ ସର୍ୱ୍ୱେ ମାନୁଷା ମୃତେ ର୍ନିଘ୍ନା ଅଭୱତ୍|

13 ଯତୋ ୱ୍ୟୱସ୍ଥାଦାନସମଯଂ ଯାୱତ୍ ଜଗତି ପାପମ୍ ଆସୀତ୍ କିନ୍ତୁ ଯତ୍ର ୱ୍ୟୱସ୍ଥା ନ ୱିଦ୍ୟତେ ତତ୍ର ପାପସ୍ୟାପି ଗଣନା ନ ୱିଦ୍ୟତେ|

14 ତଥାପ୍ୟାଦମା ଯାଦୃଶଂ ପାପଂ କୃତଂ ତାଦୃଶଂ ପାପଂ ଯୈ ର୍ନାକାରି ଆଦମମ୍ ଆରଭ୍ୟ ମୂସାଂ ଯାୱତ୍ ତେଷାମପ୍ୟୁପରି ମୃତ୍ୟୂ ରାଜତ୍ୱମ୍ ଅକରୋତ୍ ସ ଆଦମ୍ ଭାୱ୍ୟାଦମୋ ନିଦର୍ଶନମେୱାସ୍ତେ|

15 କିନ୍ତୁ ପାପକର୍ମ୍ମଣୋ ଯାଦୃଶୋ ଭାୱସ୍ତାଦୃଗ୍ ଦାନକର୍ମ୍ମଣୋ ଭାୱୋ ନ ଭୱତି ଯତ ଏକସ୍ୟ ଜନସ୍ୟାପରାଧେନ ଯଦି ବହୂନାଂ ମରଣମ୍ ଅଘଟତ ତଥାପୀଶ୍ୱରାନୁଗ୍ରହସ୍ତଦନୁଗ୍ରହମୂଲକଂ ଦାନଞ୍ଚୈକେନ ଜନେନାର୍ଥାଦ୍ ଯୀଶୁନା ଖ୍ରୀଷ୍ଟେନ ବହୁଷୁ ବାହୁଲ୍ୟାତିବାହୁଲ୍ୟେନ ଫଲତି|

16 ଅପରମ୍ ଏକସ୍ୟ ଜନସ୍ୟ ପାପକର୍ମ୍ମ ଯାଦୃକ୍ ଫଲଯୁକ୍ତଂ ଦାନକର୍ମ୍ମ ତାଦୃକ୍ ନ ଭୱତି ଯତୋ ୱିଚାରକର୍ମ୍ମୈକଂ ପାପମ୍ ଆରଭ୍ୟ ଦଣ୍ଡଜନକଂ ବଭୂୱ, କିନ୍ତୁ ଦାନକର୍ମ୍ମ ବହୁପାପାନ୍ୟାରଭ୍ୟ ପୁଣ୍ୟଜନକଂ ବଭୂୱ|

17 ଯତ ଏକସ୍ୟ ଜନସ୍ୟ ପାପକର୍ମ୍ମତସ୍ତେନୈକେନ ଯଦି ମରଣସ୍ୟ ରାଜତ୍ୱଂ ଜାତଂ ତର୍ହି ଯେ ଜନା ଅନୁଗ୍ରହସ୍ୟ ବାହୁଲ୍ୟଂ ପୁଣ୍ୟଦାନଞ୍ଚ ପ୍ରାପ୍ନୁୱନ୍ତି ତ ଏକେନ ଜନେନ, ଅର୍ଥାତ୍ ଯୀଶୁଖ୍ରୀଷ୍ଟେନ, ଜୀୱନେ ରାଜତ୍ୱମ୍ ଅୱଶ୍ୟଂ କରିଷ୍ୟନ୍ତି|

18 ଏକୋଽପରାଧୋ ଯଦ୍ୱତ୍ ସର୍ୱ୍ୱମାନୱାନାଂ ଦଣ୍ଡଗାମୀ ମାର୍ଗୋ ଽଭୱତ୍ ତଦ୍ୱଦ୍ ଏକଂ ପୁଣ୍ୟଦାନଂ ସର୍ୱ୍ୱମାନୱାନାଂ ଜୀୱନଯୁକ୍ତପୁଣ୍ୟଗାମୀ ମାର୍ଗ ଏୱ|

19 ଅପରମ୍ ଏକସ୍ୟ ଜନସ୍ୟାଜ୍ଞାଲଙ୍ଘନାଦ୍ ଯଥା ବହୱୋ ଽପରାଧିନୋ ଜାତାସ୍ତଦ୍ୱଦ୍ ଏକସ୍ୟାଜ୍ଞାଚରଣାଦ୍ ବହୱଃ ସପୁଣ୍ୟୀକୃତା ଭୱନ୍ତି|

20 ଅଧିକନ୍ତୁ ୱ୍ୟୱସ୍ଥାଗମନାଦ୍ ଅପରାଧସ୍ୟ ବାହୁଲ୍ୟଂ ଜାତଂ କିନ୍ତୁ ଯତ୍ର ପାପସ୍ୟ ବାହୁଲ୍ୟଂ ତତ୍ରୈୱ ତସ୍ମାଦ୍ ଅନୁଗ୍ରହସ୍ୟ ବାହୁଲ୍ୟମ୍ ଅଭୱତ୍|

21 ତେନ ମୃତ୍ୟୁନା ଯଦ୍ୱତ୍ ପାପସ୍ୟ ରାଜତ୍ୱମ୍ ଅଭୱତ୍ ତଦ୍ୱଦ୍ ଅସ୍ମାକଂ ପ୍ରଭୁଯୀଶୁଖ୍ରୀଷ୍ଟଦ୍ୱାରାନନ୍ତଜୀୱନଦାଯିପୁଣ୍ୟେନାନୁଗ୍ରହସ୍ୟ ରାଜତ୍ୱଂ ଭୱତି|