1 තතඃ පරං ස්වර්ගාද් අවරෝහන් ඒකෝ දූතෝ මයා දෘෂ්ටස්තස්ය කරේ රමාතලස්ය කුඤ්ජිකා මහාශෘඞ්ඛලඤ්චෛකං තිෂ්ඨතඃ|
2 අපරං නාගෝ (අ)ර්ථතඃ යෝ වෘද්ධඃ සර්පෝ (අ)පවාදකඃ ශයතානශ්චාස්ති තමේව ධෘත්වා වර්ෂසහස්රං යාවද් බද්ධවාන්|
3 අපරං රසාතලේ තං නික්ෂිප්ය තදුපරි ද්වාරං රුද්ධ්වා මුද්රාඞ්කිතවාන් යස්මාත් තද් වර්ෂසහස්රං යාවත් සම්පූර්ණං න භවේත් තාවද් භින්නජාතීයාස්තේන පුන ර්න භ්රමිතව්යාඃ| තතඃ පරම් අල්පකාලාර්ථං තස්ය මෝචනේන භවිතව්යං|
4 අනන්තරං මයා සිංහාසනානි දෘෂ්ටානි තත්ර යේ ජනා උපාවිශන් තේභ්යෝ විචාරභාරෝ (අ)දීයත; අනන්තරං යීශෝඃ සාක්ෂ්යස්ය කාරණාද් ඊශ්වරවාක්යස්ය කාරණාච්ච යේෂාං ශිරශ්ඡේදනං කෘතං පශෝස්තදීයප්රතිමායා වා පූජා යෛ ර්න කෘතා භාලේ කරේ වා කලඞ්කෝ (අ)පි න ධෘතස්තේෂාම් ආත්මානෝ (අ)පි මයා දෘෂ්ටාඃ, තේ ප්රාප්තජීවනාස්තද්වර්ෂසහස්රං යාවත් ඛ්රීෂ්ටේන සාර්ද්ධං රාජත්වමකුර්ව්වන්|
5 කින්ත්වවශිෂ්ටා මෘතජනාස්තස්ය වර්ෂසහස්රස්ය සමාප්තේඃ පූර්ව්වං ජීවනං න ප්රාපන්|
6 ඒෂා ප්රථමෝත්ථිතිඃ| යඃ කශ්චිත් ප්රථමායා උත්ථිතේරංශී ස ධන්යඃ පවිත්රශ්ච| තේෂු ද්විතීයමෘත්යෝඃ කෝ (අ)ප්යධිකාරෝ නාස්ති ත ඊශ්වරස්ය ඛ්රීෂ්ටස්ය ච යාජකා භවිෂ්යන්ති වර්ෂසහස්රං යාවත් තේන සහ රාජත්වං කරිෂ්යන්ති ච|
7 වර්ෂසහස්රේ සමාප්තේ ශයතානඃ ස්වකාරාතෝ මෝක්ෂ්යතේ|
8 තතඃ ස පෘථිව්යාශ්චතුර්දික්ෂු ස්ථිතාන් සර්ව්වජාතීයාන් විශේෂතෝ ජූජාඛ්යාන් මාජූජාඛ්යාංශ්ච සාමුද්රසිකතාවද් බහුසංඛ්යකාන් ජනාන් භ්රමයිත්වා යුද්ධාර්ථං සංග්රහීතුං නිර්ගමිෂ්යති|
9 තතස්තේ මේेදින්යාඃ ප්රස්ථේනාගත්ය පවිත්රලෝකානාං දුර්ගං ප්රියතමාං නගරීඤ්ච වේෂ්ටිතවන්තඃ කින්ත්වීශ්වරේණ නික්ෂිප්තෝ (අ)ග්නිරාකාශාත් පතිත්වා තාන් ඛාදිතවාන්|
10 තේෂාං භ්රමයිතා ච ශයතානෝ වහ්නිගන්ධකයෝ ර්හ්රදේ (අ)ර්ථතඃ පශු ර්මිථ්යාභවිෂ්යද්වාදී ච යත්ර තිෂ්ඨතස්තත්රෛව නික්ෂිප්තඃ, තත්රානන්තකාලං යාවත් තේ දිවානිශං යාතනාං භෝක්ෂ්යන්තේ|
11 තතඃ ශුක්ලම් ඒකං මහාසිංහාසනං මයා දෘෂ්ටං තදුපවිෂ්ටෝ (අ)පි දෘෂ්ටස්තස්ය වදනාන්තිකාද් භූනභෝමණ්ඩලේ පලායේතාං පුනස්තාභ්යාං ස්ථානං න ලබ්ධං|
12 අපරං ක්ෂුද්රා මහාන්තශ්ච සර්ව්වේ මෘතා මයා දෘෂ්ටාඃ, තේ සිංහාසනස්යාන්තිකේ (අ)තිෂ්ඨන් ග්රන්ථාශ්ච ව්යස්තීර්ය්යන්ත ජීවනපුස්තකාඛ්යම් අපරම් ඒකං පුස්තකමපි විස්තීර්ණං| තත්ර ග්රන්ථේෂු යද්යත් ලිඛිතං තස්මාත් මෘතානාම් ඒකෛකස්ය ස්වක්රියානුයායී විචාරඃ කෘතඃ|
13 තදානීං සමුද්රේණ ස්වාන්තරස්ථා මෘතජනාඃ සමර්පිතාඃ, මෘත්යුපරලෝකාභ්යාමපි ස්වාන්තරස්ථා මෘතජනාඃ සර්මිපතාඃ, තේෂාඤ්චෛකෛකස්ය ස්වක්රියානුයායී විචාරඃ කෘතඃ|
14 අපරං මෘත්යුපරලෝකෞ වහ්නිහ්රදේ නික්ෂිප්තෞ, ඒෂ ඒව ද්විතීයෝ මෘත්යුඃ|
15 යස්ය කස්යචිත් නාම ජීවනපුස්තකේ ලිඛිතං නාවිද්යත ස ඒව තස්මින් වහ්නිහ්රදේ න්යක්ෂිප්යත|
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)