1 තතඃ පරං සප්තමදූතේන තූර්ය්යාං වාදිතායාං ගගනාත් පෘථිව්යාං නිපතිත ඒකස්තාරකෝ මයා දෘෂ්ටඃ, තස්මෛ රසාතලකූපස්ය කුඤ්ජිකාදායි|
2 තේන රසාතලකූපේ මුක්තේ මහාග්නිකුණ්ඩස්ය ධූම ඉව ධූමස්තස්මාත් කූපාද් උද්ගතඃ| තස්මාත් කූපධූමාත් සූර්ය්යාකාශෞ තිමිරාවෘතෞ|
3 තස්මාද් ධූමාත් පතඞ්ගේෂු පෘථිව්යාං නිර්ගතේෂු නරලෝකස්ථවෘශ්චිකවත් බලං තේභ්යෝ(අ)දායි|
4 අපරං පෘථිව්යාස්තෘණානි හරිද්වර්ණශාකාදයෝ වෘක්ෂාශ්ච තෛ ර්න සිංහිතව්යාඃ කින්තු යේෂාං භාලේෂ්වීශ්වරස්ය මුද්රායා අඞ්කෝ නාස්ති කේවලං තේ මානවාස්තෛ ර්හිංසිතව්යා ඉදං ත ආදිෂ්ටාඃ|
5 පරන්තු තේෂාං බධාය නහි කේවලං පඤ්ච මාසාන් යාවත් යාතනාදානාය තේභ්යඃ සාමර්ථ්යමදායි| වෘශ්චිකේන දෂ්ටස්ය මානවස්ය යාදෘශී යාතනා ජායතේ තෛරපි තාදෘශී යාතනා ප්රදීයතේ|
6 තස්මින් සමයේ මානවා මෘත්යුං මෘගයිෂ්යන්තේ කින්තු ප්රාප්තුං න ශක්ෂ්යන්ති, තේ ප්රාණාන් ත්යක්තුම් අභිලෂිෂ්යන්ති කින්තු මෘත්යුස්තේභ්යෝ දූරං පලායිෂ්යතේ|
7 තේෂාං පතඞ්ගානාම් ආකාරෝ යුද්ධාර්ථං සුසජ්ජිතානාම් අශ්වානාම් ආකාරස්ය තුල්යඃ, තේෂාං ශිරඃසු සුවර්ණකිරීටානීව කිරීටානි විද්යන්තේ, මුඛමණ්ඩලානි ච මානුෂිකමුඛතුල්යානි,
8 කේශාශ්ච යෝෂිතාං කේශානාං සදෘශාඃ, දන්තාශ්ච සිංහදන්තතුල්යාඃ,
9 ලෞහකවචවත් තේෂාං කවචානි සන්ති, තේෂාං පක්ෂාණාං ශබ්දෝ රණාය ධාවතාමශ්වරථානාං සමූහස්ය ශබ්දතුල්යඃ|
10 වෘශ්චිකානාමිව තේෂාං ලාඞ්ගූලානි සන්ති, තේෂු ලාඞ්ගූලේෂු කණ්ටකානි විද්යන්තේ, අපරං පඤ්ච මාසාන් යාවත් මානවානාං හිංසනාය තේ සාමර්ථ්යප්රාප්තාඃ|
11 තේෂාං රාජා ච රසාතලස්ය දූතස්තස්ය නාම ඉබ්රීයභාෂයා අබද්දෝන් යූනානීයභාෂයා ච අපල්ලුයෝන් අර්ථතෝ විනාශක ඉති|
12 ප්රථමඃ සන්තාපෝ ගතවාන් පශ්ය ඉතඃ පරමපි ද්වාභ්යාං සන්තාපාභ්යාම් උපස්ථාතව්යං|
13 තතඃ පරං ෂෂ්ඨදූතේන තූර්ය්යාං වාදිතායාම් ඊශ්වරස්යාන්තිකේ ස්ථිතායාඃ සුවර්ණවේද්යාශ්චතුශ්චූඩාතඃ කස්යචිද් රවෝ මයාශ්රාවි|
14 ස තූරීධාරිණං ෂෂ්ඨදූතම් අවදත්, ඵරාතාඛ්යේ මහානදේ යේ චත්වාරෝ දූතා බද්ධාඃ සන්ති තාන් මෝචය|
15 තතස්තද්දණ්ඩස්ය තද්දිනස්ය තන්මාසස්ය තද්වත්සරස්ය ච කෘතේ නිරූපිතාස්තේ චත්වාරෝ දූතා මානවානාං තෘතීයාංශස්ය බධාර්ථං මෝචිතාඃ|
16 අපරම් අශ්වාරෝහිසෛන්යානාං සංඛ්යා මයාශ්රාවි, තේ විංශතිකෝටය ආසන්|
17 මයා යේ (අ)ශ්වා අශ්වාරෝහිණශ්ච දෘෂ්ටාස්ත ඒතාදෘශාඃ, තේෂාං වහ්නිස්වරූපාණි නීලප්රස්තරස්වරූපාණි ගන්ධකස්වරූපාණි ච වර්ම්මාණ්යාසන්, වාජිනාඤ්ච සිංහමූර්ද්ධසදෘශා මූර්ද්ධානඃ, තේෂාං මුඛේභ්යෝ වහ්නිධූමගන්ධකා නිර්ගච්ඡන්ති|
18 ඒතෛස්ත්රිභි ර්දණ්ඩෛරර්ථතස්තේෂාං මුඛේභ්යෝ නිර්ගච්ඡද්භි ර්වහ්නිධූමගන්ධකෛ ර්මානුෂාණාං තුතීයාංශෝ (අ)ඝානි|
19 තේෂාං වාජිනාං බලං මුඛේෂු ලාඞ්ගූලේෂු ච ස්ථිතං, යතස්තේෂාං ලාඞ්ගූලානි සර්පාකාරාණි මස්තකවිශිෂ්ටානි ච තෛරේව තේ හිංසන්ති|
20 අපරම් අවශිෂ්ටා යේ මානවා තෛ ර්දණ්ඩෛ ර්න හතාස්තේ යථා දෘෂ්ටිශ්රවණගමනශක්තිහීනාන් ස්වර්ණරෞප්යපිත්තලප්රස්තරකාෂ්ඨමයාන් විග්රහාන් භූතාංශ්ච න පූජයිෂ්යන්ති තථා ස්වහස්තානාං ක්රියාභ්යඃ ස්වමනාංසි න පරාවර්ත්තිතවන්තඃ
21 ස්වබධකුහකව්යභිචාරචෞර්ය්යෝභ්යෝ (අ)පි මනාංසි න පරාවර්ත්තිතවන්තඃ|
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)