1 ඉත්ථං කලහේ නිවෘත්තේ සති පෞලඃ ශිෂ්‍යගණම් ආහූය විසර්ජනං ප්‍රාප්‍ය මාකිදනියාදේශං ප්‍රස්ථිතවාන්|

2 තේන ස්ථානේන ගච්ඡන් තද්දේශීයාන් ශිෂ්‍යාන් බහූපදිශ්‍ය යූනානීයදේශම් උපස්ථිතවාන්|

3 තත්‍ර මාසත්‍රයං ස්ථිත්වා තස්මාත් සුරියාදේශං යාතුම් උද්‍යතඃ, කින්තු යිහූදීයාස්තං හන්තුං ගුප්තා අතිෂ්ඨන් තස්මාත් ස පුනරපි මාකිදනියාමාර්ගේණ ප්‍රත්‍යාගන්තුං මතිං කෘතවාන්|

4 බිරයානගරීයසෝපාත්‍රඃ ථිෂලනීකීයාරිස්තාර්ඛසිකුන්දෞ දර්බ්බෝනගරීයගායතීමථියෞ ආශියාදේශීයතුඛිකත්‍රඵිමෞ ච තේන සාර්ද්ධං ආශියාදේශං යාවද් ගතවන්තඃ|

5 ඒතේ සර්ව්වේ (අ)ග්‍රසරාඃ සන්තෝ (අ)ස්මාන් අපේක්‍ෂ්‍ය ත්‍රෝයානගරේ ස්ථිතවන්තඃ|

6 කිණ්වශූන්‍යපූපෝත්සවදිනේ ච ගතේ සති වයං ඵිලිපීනගරාත් තෝයපථේන ගත්වා පඤ්චභි ර්දිනෛස්ත්‍රෝයානගරම් උපස්ථාය තත්‍ර සප්තදිනාන්‍යවාතිෂ්ඨාම|

7 සප්තාහස්‍ය ප්‍රථමදිනේ පූපාන් භංක්තු ශිෂ්‍යේෂු මිලිතේෂු පෞලඃ පරදිනේ තස්මාත් ප්‍රස්ථාතුම් උද්‍යතඃ සන් තදහ්නි ප්‍රායේණ ක්‍ෂපායා යාමද්වයං යාවත් ශිෂ්‍යේභ්‍යෝ ධර්ම්මකථාම් අකථයත්|

8 උපරිස්ථේ යස්මින් ප්‍රකෝෂ්ඨේ සභාං කෘත්වාසන් තත්‍ර බහවඃ ප්‍රදීපාඃ ප්‍රාජ්වලන්|

9 උතුඛනාමා කශ්චන යුවා ච වාතායන උපවිශන් ඝෝරතරනිද්‍රාග්‍රස්තෝ (අ)භූත් තදා පෞලේන බහුක්‍ෂණං කථායාං ප්‍රචාරිතායාං නිද්‍රාමග්නඃ ස තස්මාද් උපරිස්ථතෘතීයප්‍රකෝෂ්ඨාද් අපතත්, තතෝ ලෝකාස්තං මෘතකල්පං ධෘත්වෝදතෝලයන්|

10 තතඃ පෞලෝ(අ)වරුහ්‍ය තස්‍ය ගාත්‍රේ පතිත්වා තං ක්‍රෝඩේ නිධාය කථිතවාන්, යූයං ව්‍යාකුලා මා භූත නායං ප්‍රාණෛ ර්වියුක්තඃ|

11 පශ්චාත් ස පුනශ්චෝපරි ගත්වා පූපාන් භංක්ත්වා ප්‍රභාතං යාවත් කථෝපකථනේ කෘත්වා ප්‍රස්ථිතවාන්|

12 තේ ච තං ජීවන්තං යුවානං ගෘහීත්වා ගත්වා පරමාප්‍යායිතා ජාතාඃ|

13 අනන්තරං වයං පෝතේනාග්‍රසරා භූත්වාස්මනගරම් උත්තීර‍්‍ය්‍ය පෞලං ග්‍රහීතුං මතිම් අකුර්ම්ම යතඃ ස තත්‍ර පද්භ්‍යාං ව්‍රජිතුං මතිං කෘත්වේති නිරූපිතවාන්|

14 තස්මාත් තත්‍රාස්මාභිඃ සාර්ද්ධං තස්මින් මිලිතේ සති වයං තං නීත්වා මිතුලීන්‍යුපද්වීපං ප්‍රාප්තවන්තඃ|

15 තස්මාත් පෝතං මෝචයිත්වා පරේ(අ)හනි ඛීයෝපද්වීපස්‍ය සම්මුඛං ලබ්ධවන්තස්තස්මාද් ඒකේනාහ්නා සාමෝපද්වීපං ගත්වා පෝතං ලාගයිත්වා ත්‍රෝගුල්ලියේ ස්ථිත්වා පරස්මින් දිවසේे මිලීතනගරම් උපාතිෂ්ඨාම|

16 යතඃ පෞල ආශියාදේශේ කාලං යාපයිතුම් නාභිලෂන් ඉඵිෂනගරං ත්‍යක්ත්වා යාතුං මන්ත්‍රණාං ස්ථිරීකෘතවාන්; යස්මාද් යදි සාධ්‍යං භවති තර්හි නිස්තාරෝත්සවස්‍ය පඤ්චාශත්තමදිනේ ස යිරූශාලම්‍යුපස්ථාතුං මතිං කෘතවාන්|

17 පෞලෝ මිලීතාද් ඉඵිෂං ප්‍රති ලෝකං ප්‍රහිත්‍ය සමාජස්‍ය ප්‍රාචීනාන් ආහූයානීතවාන්|

18 තේෂු තස්‍ය සමීපම් උපස්ථිතේෂු ස තේභ්‍ය ඉමාං කථාං කථිතවාන්, අහම් ආශියාදේශේ ප්‍රථමාගමනම් ආරභ්‍යාද්‍ය යාවද් යුෂ්මාකං සන්නිධෞ ස්ථිත්වා සර්ව්වසමයේ යථාචරිතවාන් තද් යූයං ජානීථ;

19 ඵලතඃ සර්ව්වථා නම්‍රමනාඃ සන් බහුශ්‍රුපාතේන යිහුදීයානාම් කුමන්ත්‍රණාජාතනානාපරීක්‍ෂාභිඃ ප්‍රභෝඃ සේවාමකරවං|

20 කාමපි හිතකථාाං න ගෝපායිතවාන් තාං ප්‍රචාර‍්‍ය්‍ය සප්‍රකාශං ගෘහේ ගෘහේ සමුපදිශ්‍යේශ්වරං ප්‍රති මනඃ පරාවර්ත්තනීයං ප්‍රභෞ යීශුඛ්‍රීෂ්ටේ විශ්වසනීයං

21 යිහූදීයානාම් අන්‍යදේශීයලෝකානාඤ්ච සමීප ඒතාදෘශං සාක්‍ෂ්‍යං දදාමි|

22 පශ්‍යත සාම්ප්‍රතම් ආත්මනාකෘෂ්ටඃ සන් යිරූශාලම්නගරේ යාත්‍රාං කරෝමි, තත්‍ර මාම්ප්‍රති යද්‍යද් ඝටිෂ්‍යතේ තාන්‍යහං න ජානාමි;

23 කින්තු මයා බන්ධනං ක්ලේශශ්ච භෝක්තව්‍ය ඉති පවිත්‍ර ආත්මා නගරේ නගරේ ප්‍රමාණං දදාති|

24 තථාපි තං ක්ලේශමහං තෘණාය න මන්‍යේ; ඊශ්වරස්‍යානුග්‍රහවිෂයකස්‍ය සුසංවාදස්‍ය ප්‍රමාණං දාතුං, ප්‍රභෝ ර‍්‍යීශෝඃ සකාශාද යස්‍යාඃ සේවායාඃ භාරං ප්‍රාප්නවං තාං සේවාං සාධයිතුං සානන්දං ස්වමාර්ගං සමාපයිතුुඤ්ච නිජප්‍රාණානපි ප්‍රියාන් න මන්‍යේ|

25 අධුනා පශ්‍යත යේෂාං සමීපේ(අ)හම් ඊශ්වරීයරාජ්‍යස්‍ය සුසංවාදං ප්‍රචාර‍්‍ය්‍ය භ්‍රමණං කෘතවාන් ඒතාදෘශා යූයං මම වදනං පුන ර්ද්‍රෂ්ටුං න ප්‍රාප්ස්‍යථ ඒතදප්‍යහං ජානාමි|

26 යුෂ්මභ්‍යම් අහම් ඊශ්වරස්‍ය සර්ව්වාන් ආදේශාන් ප්‍රකාශයිතුං න න්‍යවර්ත්තේ|

27 අහං සර්ව්වේෂාං ලෝකානාං රක්තපාතදෝෂාද් යන්නිර්දෝෂ ආසේ තස්‍යාද්‍ය යුෂ්මාන් සාක්‍ෂිණඃ කරෝමි|

28 යූයං ස්වේෂු තථා යස්‍ය ව්‍රජස්‍යාධ්‍යක්‍ෂන් ආත්මා යුෂ්මාන් විධාය න්‍යයුඞ්ක්ත තත්සර්ව්වස්මින් සාවධානා භවත, ය සමාජඤ්ච ප්‍රභු ර්නිජරක්තමූල්‍යේන ක්‍රීතවාන තම් අවත,

29 යතෝ මයා ගමනේ කෘතඒව දුර්ජයා වෘකා යුෂ්මාකං මධ්‍යං ප්‍රවිශ්‍ය ව්‍රජං ප්‍රති නිර්දයතාම් ආචරිෂ්‍යන්ති,

30 යුෂ්මාකමේව මධ්‍යාදපි ලෝකා උත්ථාය ශිෂ්‍යගණම් අපහන්තුං විපරීතම් උපදේක්‍ෂ්‍යන්තීත්‍යහං ජානාමි|

31 ඉති හේතෝ ර‍්‍යූයං සචෛතන්‍යාඃ සන්තස්තිෂ්ටත, අහඤ්ච සාශ්‍රුපාතඃ සන් වත්සරත්‍රයං යාවද් දිවානිශං ප්‍රතිජනං බෝධයිතුං න න්‍යවර්ත්තේ තදපි ස්මරත|

32 ඉදානීං හේ භ්‍රාතරෝ යුෂ්මාකං නිෂ්ඨාං ජනයිතුං පවිත්‍රීකෘතලෝකානාං මධ්‍යේ(අ)ධිකාරඤ්ච දාතුං සමර්ථෝ ය ඊශ්වරස්තස්‍යානුග්‍රහස්‍ය යෝ වාදශ්ච තයෝරුභයෝ ර‍්‍යුෂ්මාන් සමාර්පයම්|

33 කස්‍යාපි ස්වර්ණං රූප්‍යං වස්ත්‍රං වා ප්‍රති මයා ලෝභෝ න කෘතඃ|

34 කින්තු මම මත්සහචරලෝකානාඤ්චාවශ්‍යකව්‍යයාය මදීයමිදං කරද්වයම් අශ්‍රාම්‍යද් ඒතද් යූයං ජානීථ|

35 අනේන ප්‍රකාරේණ ග්‍රහණද් දානං භද්‍රමිති යද්වාක්‍යං ප්‍රභු ර‍්‍යීශුඃ කථිතවාන් තත් ස්මර්ත්තුං දරිද්‍රලෝකානාමුපකාරාර්ථං ශ්‍රමං කර්ත්තුඤ්ච යුෂ්මාකම් උචිතම් ඒතත්සර්ව්වං යුෂ්මානහම් උපදිෂ්ටවාන්|

36 ඒතාං කථාං කථයිත්වා ස ජානුනී පාතයිත්වා සර්වෛඃ සහ ප්‍රාර්ථයත|

37 තේන තේ ක්‍රන්ද්‍රන්තඃ

38 පුන ර්මම මුඛං න ද්‍රක්‍ෂ්‍යථ විශේෂත ඒෂා යා කථා තේනාකථි තත්කාරණාත් ශෝකං විලාපඤ්ච කෘත්වා කණ්ඨං ධෘත්වා චුම්බිතවන්තඃ| පශ්චාත් තේ තං පෝතං නීතවන්තඃ|