15 අනන්තරං ස ලෝකානවදත් ලෝභේ සාවධානාඃ සතර්කාශ්ච තිෂ්ඨත, යතෝ බහුසම්පත්තිප්රාප්ත්යා මනුෂ්යස්යායු ර්න භවති|
16 පශ්චාද් දෘෂ්ටාන්තකථාමුත්ථාප්ය කථයාමාස, ඒකස්ය ධනිනෝ භූමෞ බහූනි ශස්යානි ජාතානි|
17 තතඃ ස මනසා චින්තයිත්වා කථයාම්බභූව මමෛතානි සමුත්පන්නානි ද්රව්යාණි ස්ථාපයිතුං ස්ථානං නාස්ති කිං කරිෂ්යාමි?
18 තතෝවදද් ඉත්ථං කරිෂ්යාමි, මම සර්ව්වභාණ්ඩාගාරාණි භඞ්ක්ත්වා බෘහද්භාණ්ඩාගාරාණි නිර්ම්මාය තන්මධ්යේ සර්ව්වඵලානි ද්රව්යාණි ච ස්ථාපයිෂ්යාමි|
19 අපරං නිජමනෝ වදිෂ්යාමි, හේ මනෝ බහුවත්සරාර්ථං නානාද්රව්යාණි සඤ්චිතානි සන්ති විශ්රාමං කුරු භුක්ත්වා පීත්වා කෞතුකඤ්ච කුරු| කින්ත්වීශ්වරස්තම් අවදත්,
20 රේ නිර්බෝධ අද්ය රාත්රෞ තව ප්රාණාස්ත්වත්තෝ නේෂ්යන්තේ තත ඒතානි යානි ද්රව්යාණි ත්වයාසාදිතානි තානි කස්ය භවිෂ්යන්ති?
21 අතඒව යඃ කශ්චිද් ඊශ්වරස්ය සමීපේ ධනසඤ්චයමකෘත්වා කේවලං ස්වනිකටේ සඤ්චයං කරෝති සෝපි තාදෘශඃ|
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)