Revelation 20

1 తతః పరం స్వర్గాద్ అవరోహన్ ఏకో దూతో మయా దృష్టస్తస్య కరే రమాతలస్య కుఞ్జికా మహాశృఙ్ఖలఞ్చైకం తిష్ఠతః|

2 అపరం నాగో ఽర్థతః యో వృద్ధః సర్పో ఽపవాదకః శయతానశ్చాస్తి తమేవ ధృత్వా వర్షసహస్రం యావద్ బద్ధవాన్|

3 అపరం రసాతలే తం నిక్షిప్య తదుపరి ద్వారం రుద్ధ్వా ముద్రాఙ్కితవాన్ యస్మాత్ తద్ వర్షసహస్రం యావత్ సమ్పూర్ణం న భవేత్ తావద్ భిన్నజాతీయాస్తేన పున ర్న భ్రమితవ్యాః| తతః పరమ్ అల్పకాలార్థం తస్య మోచనేన భవితవ్యం|

4 అనన్తరం మయా సింహాసనాని దృష్టాని తత్ర యే జనా ఉపావిశన్ తేభ్యో విచారభారో ఽదీయత; అనన్తరం యీశోః సాక్ష్యస్య కారణాద్ ఈశ్వరవాక్యస్య కారణాచ్చ యేషాం శిరశ్ఛేదనం కృతం పశోస్తదీయప్రతిమాయా వా పూజా యై ర్న కృతా భాలే కరే వా కలఙ్కో ఽపి న ధృతస్తేషామ్ ఆత్మానో ఽపి మయా దృష్టాః, తే ప్రాప్తజీవనాస్తద్వర్షసహస్రం యావత్ ఖ్రీష్టేన సార్ద్ధం రాజత్వమకుర్వ్వన్|

5 కిన్త్వవశిష్టా మృతజనాస్తస్య వర్షసహస్రస్య సమాప్తేః పూర్వ్వం జీవనం న ప్రాపన్|

6 ఏషా ప్రథమోత్థితిః| యః కశ్చిత్ ప్రథమాయా ఉత్థితేరంశీ స ధన్యః పవిత్రశ్చ| తేషు ద్వితీయమృత్యోః కో ఽప్యధికారో నాస్తి త ఈశ్వరస్య ఖ్రీష్టస్య చ యాజకా భవిష్యన్తి వర్షసహస్రం యావత్ తేన సహ రాజత్వం కరిష్యన్తి చ|

7 వర్షసహస్రే సమాప్తే శయతానః స్వకారాతో మోక్ష్యతే|

8 తతః స పృథివ్యాశ్చతుర్దిక్షు స్థితాన్ సర్వ్వజాతీయాన్ విశేషతో జూజాఖ్యాన్ మాజూజాఖ్యాంశ్చ సాముద్రసికతావద్ బహుసంఖ్యకాన్ జనాన్ భ్రమయిత్వా యుద్ధార్థం సంగ్రహీతుం నిర్గమిష్యతి|

9 తతస్తే మేेదిన్యాః ప్రస్థేనాగత్య పవిత్రలోకానాం దుర్గం ప్రియతమాం నగరీఞ్చ వేష్టితవన్తః కిన్త్వీశ్వరేణ నిక్షిప్తో ఽగ్నిరాకాశాత్ పతిత్వా తాన్ ఖాదితవాన్|

10 తేషాం భ్రమయితా చ శయతానో వహ్నిగన్ధకయో ర్హ్రదే ఽర్థతః పశు ర్మిథ్యాభవిష్యద్వాదీ చ యత్ర తిష్ఠతస్తత్రైవ నిక్షిప్తః, తత్రానన్తకాలం యావత్ తే దివానిశం యాతనాం భోక్ష్యన్తే|