1 João 5

1 ཡཱིཤུརབྷིཥིཀྟསྟྲཱཏེཏི ཡཿ ཀཤྩིད྄ ཝིཤྭཱསིཏི ས ཨཱིཤྭརཱཏ྄ ཛཱཏཿ; ཨཔརཾ ཡཿ ཀཤྩིཏ྄ ཛནཡིཏརི པྲཱིཡཏེ ས ཏསྨཱཏ྄ ཛཱཏེ ཛནེ ྅པི པྲཱིཡཏེ།

2 ཝཡམ྄ ཨཱིཤྭརསྱ སནྟཱནེཥུ པྲཱིཡཱམཧེ ཏད྄ ཨནེན ཛཱནཱིམོ ཡད྄ ཨཱིཤྭརེ པྲཱིཡཱམཧེ ཏསྱཱཛྙཱཿ པཱལཡཱམཤྩ།

3 ཡཏ ཨཱིཤྭརེ ཡཏ྄ པྲེམ ཏཏ྄ ཏདཱིཡཱཛྙཱཔཱལནེནཱསྨཱབྷིཿ པྲཀཱཤཡིཏཝྱཾ, ཏསྱཱཛྙཱཤྩ ཀཋོརཱ ན བྷཝནྟི།

4 ཡཏོ ཡཿ ཀཤྩིད྄ ཨཱིཤྭརཱཏ྄ ཛཱཏཿ ས སཾསཱརཾ ཛཡཏི ཀིཉྩཱསྨཱཀཾ ཡོ ཝིཤྭཱསཿ ས ཨེཝཱསྨཱཀཾ སཾསཱརཛཡིཛཡཿ།

5 ཡཱིཤུརཱིཤྭརསྱ པུཏྲ ཨིཏི ཡོ ཝིཤྭསིཏི ཏཾ ཝིནཱ ཀོ྅པརཿ སཾསཱརཾ ཛཡཏི?

6 སོ྅བྷིཥིཀྟསྟྲཱཏཱ ཡཱིཤུསྟོཡརུདྷིརཱབྷྱཱམ྄ ཨཱགཏཿ ཀེཝལཾ ཏོཡེན ནཧི ཀིནྟུ ཏོཡརུདྷིརཱབྷྱཱམ྄, ཨཱཏྨཱ ཙ སཱཀྵཱི བྷཝཏི ཡཏ ཨཱཏྨཱ སཏྱཏཱསྭརཱུཔཿ།

7 ཡཏོ ཧེཏོཿ སྭརྒེ པིཏཱ ཝཱདཿ པཝིཏྲ ཨཱཏྨཱ ཙ ཏྲཡ ཨིམེ སཱཀྵིཎཿ སནྟི, ཏྲཡ ཨིམེ ཙཻཀོ བྷཝནྟི།

8 ཏཐཱ པྲྀཐིཝྱཱམ྄ ཨཱཏྨཱ ཏོཡཾ རུདྷིརཉྩ ཏྲཱིཎྱེཏཱནི སཱཀྵྱཾ དདཱཏི ཏེཥཱཾ ཏྲཡཱཎཱམ྄ ཨེཀཏྭཾ བྷཝཏི ཙ།

9 མཱནཝཱནཱཾ སཱཀྵྱཾ ཡདྱསྨཱབྷི རྒྲྀཧྱཏེ ཏརྷཱིཤྭརསྱ སཱཀྵྱཾ ཏསྨཱདཔི ཤྲེཥྛཾ ཡཏཿ སྭཔུཏྲམདྷཱིཤྭརེཎ དཏྟཾ སཱཀྵྱམིདཾ།

10 ཨཱིཤྭརསྱ པུཏྲེ ཡོ ཝིཤྭཱསིཏི ས ནིཛཱནྟརེ ཏཏ྄ སཱཀྵྱཾ དྷཱརཡཏི; ཨཱིཤྭརེ ཡོ ན ཝིཤྭསིཏི ས ཏམ྄ ཨནྲྀཏཝཱདིནཾ ཀརོཏི ཡཏ ཨཱིཤྭརཿ སྭཔུཏྲམདྷི ཡཏ྄ སཱཀྵྱཾ དཏྟཝཱན྄ ཏསྨིན྄ ས ན ཝིཤྭསིཏི།

11 ཏཙྩ སཱཀྵྱམིདཾ ཡད྄ ཨཱིཤྭརོ ྅སྨབྷྱམ྄ ཨནནྟཛཱིཝནཾ དཏྟཝཱན྄ ཏཙྩ ཛཱིཝནཾ ཏསྱ པུཏྲེ ཝིདྱཏེ།

12 ཡཿ པུཏྲཾ དྷཱརཡཏི ས ཛཱིཝནཾ དྷཱརིཡཏི, ཨཱིཤྭརསྱ པུཏྲཾ ཡོ ན དྷཱརཡཏི ས ཛཱིཝནཾ ན དྷཱརཡཏི།

13 ཨཱིཤྭརཔུཏྲསྱ ནཱམྣི ཡུཥྨཱན྄ པྲཏྱེཏཱནི མཡཱ ལིཁིཏཱནི ཏསྱཱབྷིཔྲཱཡོ ྅ཡཾ ཡད྄ ཡཱུཡམ྄ ཨནནྟཛཱིཝནཔྲཱཔྟཱ ཨིཏི ཛཱནཱིཡཱཏ ཏསྱེཤྭརཔུཏྲསྱ ནཱམྣི ཝིཤྭསེཏ ཙ།

14 ཏསྱཱནྟིཀེ ྅སྨཱཀཾ ཡཱ པྲཏིབྷཱ བྷཝཏི ཏསྱཱཿ ཀཱརཎམིདཾ ཡད྄ ཝཡཾ ཡདི ཏསྱཱབྷིམཏཾ ཀིམཔི ཏཾ ཡཱཙཱམཧེ ཏརྷི སོ ྅སྨཱཀཾ ཝཱཀྱཾ ཤྲྀཎོཏི།

15 ས ཙཱསྨཱཀཾ ཡཏ྄ ཀིཉྩན ཡཱཙནཾ ཤྲྀཎོཏཱིཏི ཡདི ཛཱནཱིམསྟརྷི ཏསྨཱད྄ ཡཱཙིཏཱ ཝརཱ ཨསྨཱབྷིཿ པྲཱཔྱནྟེ ཏདཔི ཛཱནཱིམཿ།

16 ཀཤྩིད྄ ཡདི སྭབྷྲཱཏརམ྄ ཨམྲྀཏྱུཛནཀཾ པཱཔཾ ཀུཪྻྭནྟཾ པཤྱཏི ཏརྷི ས པྲཱརྠནཱཾ ཀརོཏུ ཏེནེཤྭརསྟསྨཻ ཛཱིཝནཾ དཱསྱཏི, ཨརྠཏོ མྲྀཏྱུཛནཀཾ པཱཔཾ ཡེན ནཱཀཱརིཏསྨཻ། ཀིནྟུ མྲྀཏྱུཛནཀམ྄ ཨེཀཾ པཱཔམ྄ ཨཱསྟེ ཏདདྷི ཏེན པྲཱརྠནཱ ཀྲིཡཏཱམིཏྱཧཾ ན ཝདཱམི།

17 སཪྻྭ ཨེཝཱདྷརྨྨཿ པཱཔཾ ཀིནྟུ སཪྻྭཔཱཾཔ མྲྀཏྱུཛནཀཾ ནཧི།

18 ཡ ཨཱིཤྭརཱཏ྄ ཛཱཏཿ ས པཱཔཱཙཱརཾ ན ཀརོཏི ཀིནྟྭཱིཤྭརཱཏ྄ ཛཱཏོ ཛནཿ སྭཾ རཀྵཏི ཏསྨཱཏ྄ ས པཱཔཱཏྨཱ ཏཾ ན སྤྲྀཤཏཱིཏི ཝཡཾ ཛཱནཱིམཿ།

19 ཝཡམ྄ ཨཱིཤྭརཱཏ྄ ཛཱཏཱཿ ཀིནྟུ ཀྲྀཏྶྣཿ སཾསཱརཿ པཱཔཱཏྨནོ ཝཤཾ གཏོ ྅སྟཱིཏི ཛཱནཱིམཿ།

20 ཨཔརམ྄ ཨཱིཤྭརསྱ པུཏྲ ཨཱགཏཝཱན྄ ཝཡཉྩ ཡཡཱ ཏསྱ སཏྱམཡསྱ ཛྙཱནཾ པྲཱཔྣུཡཱམསྟཱདྲྀཤཱིཾ དྷིཡམ྄ ཨསྨབྷྱཾ དཏྟཝཱན྄ ཨིཏི ཛཱནཱིམསྟསྨིན྄ སཏྱམཡེ ྅རྠཏསྟསྱ པུཏྲེ ཡཱིཤུཁྲཱིཥྚེ ཏིཥྛཱམཤྩ; ས ཨེཝ སཏྱམཡ ཨཱིཤྭརོ ྅ནནྟཛཱིཝནསྭརཱུཔཤྩཱསྟི།

21 ཧེ པྲིཡབཱལཀཱཿ, ཡཱུཡཾ དེཝམཱུརྟྟིབྷྱཿ སྭཱན྄ རཀྵཏ། ཨཱམེན྄།