1 ཨཔརམ྄ ཨསྨཱཀམ྄ ཨེཏསྨིན྄ པཱརྠིཝེ དཱུཥྱརཱུཔེ ཝེཤྨནི ཛཱིརྞེ སཏཱིཤྭརེཎ ནིརྨྨིཏམ྄ ཨཀརཀྲྀཏམ྄ ཨསྨཱཀམ྄ ཨནནྟཀཱལསྠཱཡི ཝེཤྨཻཀཾ སྭརྒེ ཝིདྱཏ ཨིཏི ཝཡཾ ཛཱནཱིམཿ།

2 ཡཏོ ཧེཏོརེཏསྨིན྄ ཝེཤྨནི ཏིཥྛནྟོ ཝཡཾ ཏཾ སྭརྒཱིཡཾ ཝཱསཾ པརིདྷཱཏུམ྄ ཨཱཀཱངྐྵྱམཱཎཱ ནིཿཤྭསཱམཿ།

3 ཏཐཱཔཱིདཱནཱིམཔི ཝཡཾ ཏེན ན ནགྣཱཿ ཀིནྟུ པརིཧིཏཝསནཱ མནྱཱམཧེ།

4 ཨེཏསྨིན྄ དཱུཥྱེ ཏིཥྛནཏོ ཝཡཾ ཀླིཤྱམཱནཱ ནིཿཤྭསཱམཿ, ཡཏོ ཝཡཾ ཝཱསཾ ཏྱཀྟུམ྄ ཨིཙྪཱམསྟནྣཧི ཀིནྟུ ཏཾ དྭིཏཱིཡཾ ཝཱསཾ པརིདྷཱཏུམ྄ ཨིཙྪཱམཿ, ཡཏསྟཐཱ ཀྲྀཏེ ཛཱིཝནེན མརྟྱཾ གྲསིཥྱཏེ།

5 ཨེཏདརྠཾ ཝཡཾ ཡེན སྲྀཥྚཱཿ ས ཨཱིཤྭར ཨེཝ ས ཙཱསྨབྷྱཾ སཏྱངྐཱརསྱ པཎསྭརཱུཔམ྄ ཨཱཏྨཱནཾ དཏྟཝཱན྄།

6 ཨཏཨེཝ ཝཡཾ སཪྻྭདོཏྶུཀཱ བྷཝཱམཿ ཀིཉྩ ཤརཱིརེ ཡཱཝད྄ ཨསྨཱབྷི རྣྱུཥྱཏེ ཏཱཝཏ྄ པྲབྷུཏོ དཱུརེ པྲོཥྱཏ ཨིཏི ཛཱནཱིམཿ,

7 ཡཏོ ཝཡཾ དྲྀཥྚིམཱརྒེ ན ཙརཱམཿ ཀིནྟུ ཝིཤྭཱསམཱརྒེ།

8 ཨཔརཉྩ ཤརཱིརཱད྄ དཱུརེ པྲཝསྟུཾ པྲབྷོཿ སནྣིདྷཽ ནིཝསྟུཉྩཱཀཱངྐྵྱམཱཎཱ ཨུཏྶུཀཱ བྷཝཱམཿ།

9 ཏསྨཱདེཝ ཀཱརཎཱད྄ ཝཡཾ ཏསྱ སནྣིདྷཽ ནིཝསནྟསྟསྨཱད྄ དཱུརེ པྲཝསནྟོ ཝཱ ཏསྨཻ རོཙིཏུཾ ཡཏཱམཧེ།

10 ཡསྨཱཏ྄ ཤརཱིརཱཝསྠཱཡཱམ྄ ཨེཀཻཀེན ཀྲྀཏཱནཱཾ ཀརྨྨཎཱཾ ཤུབྷཱཤུབྷཕལཔྲཱཔྟཡེ སཪྻྭཻསྨཱབྷིཿ ཁྲཱིཥྚསྱ ཝིཙཱརཱསནསམྨུཁ ཨུཔསྠཱཏཝྱཾ།

11 ཨཏཨེཝ པྲབྷོ རྦྷཡཱནཀཏྭཾ ཝིཛྙཱཡ ཝཡཾ མནུཛཱན྄ ཨནུནཡཱམཿ ཀིཉྩེཤྭརསྱ གོཙརེ སཔྲཀཱཤཱ བྷཝཱམཿ, ཡུཥྨཱཀཾ སཾཝེདགོཙརེ྅པི སཔྲཀཱཤཱ བྷཝཱམ ཨིཏྱཱཤཾསཱམཧེ།

12 ཨནེན ཝཡཾ ཡུཥྨཱཀཾ སནྣིདྷཽ པུནཿ སྭཱན྄ པྲཤཾསཱམ ཨིཏི ནཧི ཀིནྟུ ཡེ མནོ ཝིནཱ མུཁཻཿ ཤླཱགྷནྟེ ཏེབྷྱཿ པྲཏྱུཏྟརདཱནཱཡ ཡཱུཡཾ ཡཐཱསྨཱབྷིཿ ཤླཱགྷིཏུཾ ཤཀྣུཐ ཏཱདྲྀཤམ྄ ཨུཔཱཡཾ ཡུཥྨབྷྱཾ ཝིཏརཱམཿ།

13 ཡདི ཝཡཾ ཧཏཛྙཱནཱ བྷཝཱམསྟརྷི ཏད྄ ཨཱིཤྭརཱརྠཀཾ ཡདི ཙ སཛྙཱནཱ བྷཝཱམསྟརྷི ཏད྄ ཡུཥྨདརྠཀཾ།

14 ཝཡཾ ཁྲཱིཥྚསྱ པྲེམྣཱ སམཱཀྲྀཥྱཱམཧེ ཡཏཿ སཪྻྭེཥཱཾ ཝིནིམཡེན ཡདྱེཀོ ཛནོ྅མྲིཡཏ ཏརྷི ཏེ སཪྻྭེ མྲྀཏཱ ཨིཏྱཱསྨཱབྷི རྦུདྷྱཏེ།

15 ཨཔརཉྩ ཡེ ཛཱིཝནྟི ཏེ ཡཏ྄ སྭཱརྠཾ ན ཛཱིཝནྟི ཀིནྟུ ཏེཥཱཾ ཀྲྀཏེ ཡོ ཛནོ མྲྀཏཿ པུནརུཏྠཱཔིཏཤྩ ཏམུདྡིཤྱ ཡཏ྄ ཛཱིཝནྟི ཏདརྠམེཝ ས སཪྻྭེཥཱཾ ཀྲྀཏེ མྲྀཏཝཱན྄།

16 ཨཏོ ཧེཏོརིཏཿ པརཾ ཀོ྅པྱསྨཱབྷི རྫཱཏིཏོ ན པྲཏིཛྙཱཏཝྱཿ། ཡདྱཔི པཱུཪྻྭཾ ཁྲཱིཥྚོ ཛཱཏིཏོ྅སྨཱབྷིཿ པྲཏིཛྙཱཏསྟཐཱཔཱིདཱནཱིཾ ཛཱཏིཏཿ པུན རྣ པྲཏིཛྙཱཡཏེ།

17 ཀེནཙིཏ྄ ཁྲཱིཥྚ ཨཱཤྲིཏེ ནཱུཏནཱ སྲྀཥྚི རྦྷཝཏི པུརཱཏནཱནི ལུཔྱནྟེ པཤྱ ནིཁིལཱནི ནཝཱིནཱནི བྷཝནྟི།

18 སཪྻྭཉྩཻཏད྄ ཨཱིཤྭརསྱ ཀརྨྨ ཡཏོ ཡཱིཤུཁྲཱིཥྚེན ས ཨེཝཱསྨཱན྄ སྭེན སཱརྡྡྷཾ སཾཧིཏཝཱན྄ སནྡྷཱནསམྦནྡྷཱིཡཱཾ པརིཙཪྻྱཱམ྄ ཨསྨཱསུ སམརྤིཏཝཱཾཤྩ།

19 ཡཏཿ ཨཱིཤྭརཿ ཁྲཱིཥྚམ྄ ཨདྷིཥྛཱཡ ཛགཏོ ཛནཱནཱམ྄ ཨཱགཱཾསི ཏེཥཱམ྄ ཨྲྀཎམིཝ ན གཎཡན྄ སྭེན སཱརྡྡྷཾ ཏཱན྄ སཾཧིཏཝཱན྄ སནྡྷིཝཱརྟྟཱམ྄ ཨསྨཱསུ སམརྤིཏཝཱཾཤྩ།

20 ཨཏོ ཝཡཾ ཁྲཱིཥྚསྱ ཝིནིམཡེན དཽཏྱཾ ཀརྨྨ སམྤཱདཡཱམཧེ, ཨཱིཤྭརཤྩཱསྨཱབྷི ཪྻུཥྨཱན྄ ཡཱཡཱཙྱཏེ ཏཏཿ ཁྲཱིཥྚསྱ ཝིནིམཡེན ཝཡཾ ཡུཥྨཱན྄ པྲཱརྠཡཱམཧེ ཡཱུཡམཱིཤྭརེཎ སནྡྷཏྟ།

21 ཡཏོ ཝཡཾ ཏེན ཡད྄ ཨཱིཤྭརཱིཡཔུཎྱཾ བྷཝཱམསྟདརྠཾ པཱཔེན སཧ ཡསྱ ཛྙཱཏེཡཾ ནཱསཱིཏ྄ ས ཨེཝ ཏེནཱསྨཱཀཾ ཝིནིམཡེན པཱཔཿ ཀྲྀཏཿ།