Atos 15

1 ཡིཧཱུདཱདེཤཱཏ྄ ཀིཡནྟོ ཛནཱ ཨཱགཏྱ བྷྲཱཏྲྀགཎམིཏྠཾ ཤིཀྵིཏཝནྟོ མཱུསཱཝྱཝསྠཡཱ ཡདི ཡུཥྨཱཀཾ ཏྭཀྪེདོ ན བྷཝཏི ཏརྷི ཡཱུཡཾ པརིཏྲཱཎཾ པྲཱཔྟུཾ ན ཤཀྵྱཐ།

2 པཽལབརྞབྦཽ ཏཻཿ སཧ བཧཱུན྄ ཝིཙཱརཱན྄ ཝིཝཱདཱཾཤྩ ཀྲྀཏཝནྟཽ, ཏཏོ མཎྜལཱིཡནོཀཱ ཨེཏསྱཱཿ ཀཐཱཡཱསྟཏྟྭཾ ཛྙཱཏུཾ ཡིརཱུཤཱལམྣགརསྠཱན྄ པྲེརིཏཱན྄ པྲཱཙཱིནཱཾཤྩ པྲཏི པཽལབརྞབྦཱཔྲབྷྲྀཏཱིན྄ ཀཏིཔཡཛནཱན྄ པྲེཥཡིཏུཾ ནིཤྩཡཾ ཀྲྀཏཝནྟཿ།

3 ཏེ མཎྜལྱཱ པྲེརིཏཱཿ སནྟཿ ཕཻཎཱིཀཱིཤོམིརོནྡེཤཱབྷྱཱཾ གཏྭཱ བྷིནྣདེཤཱིཡཱནཱཾ མནཿཔརིཝརྟྟནསྱ ཝཱརྟྟཡཱ བྷྲཱཏྲྀཎཱཾ པརམཱཧླཱདམ྄ ཨཛནཡན྄།

4 ཡིརཱུཤཱལམྱུཔསྠཱཡ པྲེརིཏགཎེན ལོཀཔྲཱཙཱིནགཎེན སམཱཛེན ཙ སམུཔགྲྀཧཱིཏཱཿ སནྟཿ སྭཻརཱིཤྭརོ ཡཱནི ཀརྨྨཱཎི ཀྲྀཏཝཱན྄ ཏེཥཱཾ སཪྻྭཝྲྀཏྟཱནྟཱན྄ ཏེཥཱཾ སམཀྵམ྄ ཨཀཐཡན྄།

5 ཀིནྟུ ཝིཤྭཱསིནཿ ཀིཡནྟཿ ཕིརཱུཤིམཏགྲཱཧིཎོ ལོཀཱ ཨུཏྠཱཡ ཀཐཱམེཏཱཾ ཀཐིཏཝནྟོ བྷིནྣདེཤཱིཡཱནཱཾ ཏྭཀྪེདཾ ཀརྟྟུཾ མཱུསཱཝྱཝསྠཱཾ པཱལཡིཏུཉྩ སམཱདེཥྚཝྱམ྄།

6 ཏཏཿ པྲེརིཏཱ ལོཀཔྲཱཙཱིནཱཤྩ ཏསྱ ཝིཝེཙནཱཾ ཀརྟྟུཾ སབྷཱཡཱཾ སྠིཏཝནྟཿ།

7 བཧུཝིཙཱརེཥུ ཛཱཏཥུ པིཏར ཨུཏྠཱཡ ཀཐིཏཝཱན྄, ཧེ བྷྲཱཏརོ ཡཐཱ བྷིནྣདེཤཱིཡལོཀཱ མམ མུཁཱཏ྄ སུསཾཝཱདཾ ཤྲུཏྭཱ ཝིཤྭསནྟི ཏདརྠཾ བཧུདིནཱཏ྄ པཱུཪྻྭམ྄ ཨཱིཤྭརོསྨཱཀཾ མདྷྱེ མཱཾ ཝྲྀཏྭཱ ནིཡུཀྟཝཱན྄།

8 ཨནྟཪྻྱཱམཱིཤྭརོ ཡཐཱསྨབྷྱཾ ཏཐཱ བྷིནྣདེཤཱིཡེབྷྱཿ པཝིཏྲམཱཏྨཱནཾ པྲདཱཡ ཝིཤྭཱསེན ཏེཥཱམ྄ ཨནྟཿཀརཎཱནི པཝིཏྲཱཎི ཀྲྀཏྭཱ

9 ཏེཥཱམ྄ ཨསྨཱཀཉྩ མདྷྱེ ཀིམཔི ཝིཤེཥཾ ན སྠཱཔཡིཏྭཱ ཏཱནདྷི སྭཡཾ པྲམཱཎཾ དཏྟཝཱན྄ ཨིཏི ཡཱུཡཾ ཛཱནཱིཐ།

10 ཨཏཨེཝཱསྨཱཀཾ པཱུཪྻྭཔུརུཥཱ ཝཡཉྩ སྭཡཾ ཡདྱུགསྱ བྷཱརཾ སོཌྷུཾ ན ཤཀྟཱཿ སམྤྲཏི ཏཾ ཤིཥྱགཎསྱ སྐནྡྷེཥུ ནྱསིཏུཾ ཀུཏ ཨཱིཤྭརསྱ པརཱིཀྵཱཾ ཀརིཥྱཐ?

11 པྲབྷོ ཪྻཱིཤུཁྲཱིཥྚསྱཱནུགྲཧེཎ ཏེ ཡཐཱ ཝཡམཔི ཏཐཱ པརིཏྲཱཎཾ པྲཱཔྟུམ྄ ཨཱཤཱཾ ཀུརྨྨཿ།

12 ཨནནྟརཾ བརྞབྦཱཔཽལཱབྷྱཱམ྄ ཨཱིཤྭརོ བྷིནྣདེཤཱིཡཱནཱཾ མདྷྱེ ཡདྱད྄ ཨཱཤྩཪྻྱམ྄ ཨདྦྷུཏཉྩ ཀརྨྨ ཀྲྀཏཝཱན྄ ཏདྭྲྀཏྟཱནྟཾ ཏཽ སྭམུཁཱབྷྱཱམ྄ ཨཝརྞཡཏཱཾ སབྷཱསྠཱཿ སཪྻྭེ ནཱིརཝཱཿ སནྟཿ ཤྲུཏཝནྟཿ།

13 ཏཡོཿ ཀཐཱཡཱཾ སམཱཔྟཱཡཱཾ སཏྱཱཾ ཡཱཀཱུབ྄ ཀཐཡིཏུམ྄ ཨཱརབྡྷཝཱན྄

14 ཧེ བྷྲཱཏརོ མམ ཀཐཱཡཱམ྄ མནོ ནིདྷཏྟ། ཨཱིཤྭརཿ སྭནཱམཱརྠཾ བྷིནྣདེཤཱིཡལོཀཱནཱམ྄ མདྷྱཱད྄ ཨེཀཾ ལོཀསཾགྷཾ གྲཧཱིཏུཾ མཏིཾ ཀྲྀཏྭཱ ཡེན པྲཀཱརེཎ པྲཐམཾ ཏཱན྄ པྲཏི ཀྲྀཔཱཝལེཀནཾ ཀྲྀཏཝཱན྄ ཏཾ ཤིམོན྄ ཝརྞིཏཝཱན྄།

15 བྷཝིཥྱདྭཱདིབྷིརུཀྟཱནི ཡཱནི ཝཱཀྱཱནི ཏཻཿ སཱརྡྡྷམ྄ ཨེཏསྱཻཀྱཾ བྷཝཏི ཡཐཱ ལིཁིཏམཱསྟེ།

16 སཪྻྭེཥཱཾ ཀརྨྨཎཱཾ ཡསྟུ སཱདྷཀཿ པརམེཤྭརཿ། ས ཨེཝེདཾ ཝདེདྭཱཀྱཾ ཤེཥཱཿ སཀལམཱནཝཱཿ། བྷིནྣདེཤཱིཡལོཀཱཤྩ ཡཱཝནྟོ མམ ནཱམཏཿ། བྷཝནྟི ཧི སུཝིཁྱཱཏཱསྟེ ཡཐཱ པརམེཤིཏུཿ།

17 ཏཏྭཾ སམྱཀ྄ སམཱིཧནྟེ ཏནྣིམིཏྟམཧཾ ཀིལ། པརཱཝྲྀཏྱ སམཱགཏྱ དཱཡཱུདཿ པཏིཏཾ པུནཿ། དཱུཥྱམུཏྠཱཔཡིཥྱཱམི ཏདཱིཡཾ སཪྻྭཝསྟུ ཙ། པཏིཏཾ པུནརུཐཱཔྱ སཛྫཡིཥྱཱམི སཪྻྭཐཱ༎

18 ཨཱ པྲཐམཱད྄ ཨཱིཤྭརཿ སྭཱིཡཱནི སཪྻྭཀརྨྨཱཎི ཛཱནཱཏི།

19 ཨཏཨེཝ མམ ནིཝེདནམིདཾ བྷིནྣདེཤཱིཡལོཀཱནཱཾ མདྷྱེ ཡེ ཛནཱ ཨཱིཤྭརཾ པྲཏི པརཱཝརྟྟནྟ ཏེཥཱམུཔརི ཨནྱཾ ཀམཔི བྷཱརཾ ན ནྱསྱ

20 དེཝཏཱཔྲསཱདཱཤུཙིབྷཀྵྱཾ ཝྱབྷིཙཱརཀརྨྨ ཀཎྛསམྤཱིཌནམཱརིཏཔྲཱཎིབྷཀྵྱཾ རཀྟབྷཀྵྱཉྩ ཨེཏཱནི པརིཏྱཀྟུཾ ལིཁཱམཿ།

21 ཡཏཿ པཱུཪྻྭཀཱལཏོ མཱུསཱཝྱཝསྠཱཔྲཙཱརིཎོ ལོཀཱ ནགརེ ནགརེ སནྟི པྲཏིཝིཤྲཱམཝཱརཉྩ བྷཛནབྷཝནེ ཏསྱཱཿ པཱཋོ བྷཝཏི།

22 ཏཏཿ པརཾ པྲེརིཏགཎོ ལོཀཔྲཱཙཱིནགཎཿ སཪྻྭཱ མཎྜལཱི ཙ སྭེཥཱཾ མདྷྱེ བརྴབྦཱ ནཱམྣཱ ཝིཁྱཱཏོ མནོནཱིཏཽ ཀྲྀཏྭཱ པཽལབརྞབྦཱབྷྱཱཾ སཱརྡྡྷམ྄ ཨཱནྟིཡཁིཡཱནགརཾ པྲཏི པྲེཥཎམ྄ ཨུཙིཏཾ བུདྡྷྭཱ ཏཱབྷྱཱཾ པཏྲཾ པྲཻཥཡན྄།

23 ཏསྨིན྄ པཏྲེ ལིཁིཏམིཾད, ཨཱནྟིཡཁིཡཱ-སུརིཡཱ-ཀིལིཀིཡཱདེཤསྠབྷིནྣདེཤཱིཡབྷྲཱཏྲྀགཎཱཡ པྲེརིཏགཎསྱ ལོཀཔྲཱཙཱིནགཎསྱ བྷྲཱཏྲྀགཎསྱ ཙ ནམསྐཱརཿ།

24 ཝིཤེཥཏོ྅སྨཱཀམ྄ ཨཱཛྙཱམ྄ ཨཔྲཱཔྱཱཔི ཀིཡནྟོ ཛནཱ ཨསྨཱཀཾ མདྷྱཱད྄ གཏྭཱ ཏྭཀྪེདོ མཱུསཱཝྱཝསྠཱ ཙ པཱལཡིཏཝྱཱཝིཏི ཡུཥྨཱན྄ ཤིཀྵཡིཏྭཱ ཡུཥྨཱཀཾ མནསཱམསྠཻཪྻྱཾ ཀྲྀཏྭཱ ཡུཥྨཱན྄ སསནྡེཧཱན྄ ཨཀུཪྻྭན྄ ཨེཏཱཾ ཀཐཱཾ ཝཡམ྄ ཨཤྲྀནྨ།

25 ཏཏྐཱརཎཱད྄ ཝཡམ྄ ཨེཀམནྟྲཎཱཿ སནྟཿ སབྷཱཡཱཾ སྠིཏྭཱ པྲབྷོ ཪྻཱིཤུཁྲཱིཥྚསྱ ནཱམནིམིཏྟཾ མྲྀཏྱུམུཁགཏཱབྷྱཱམསྨཱཀཾ

26 པྲིཡབརྞབྦཱཔཽལཱབྷྱཱཾ སཱརྡྡྷཾ མནོནཱིཏལོཀཱནཱཾ ཀེཥཱཉྩིད྄ ཡུཥྨཱཀཾ སནྣིདྷཽ པྲེཥཎམ྄ ཨུཙིཏཾ བུདྡྷཝནྟཿ།

27 ཨཏོ ཡིཧཱུདཱསཱིལཽ ཡུཥྨཱན྄ པྲཏི པྲེཥིཏཝནྟཿ, ཨེཏཡོ རྨུཁཱབྷྱཱཾ སཪྻྭཱཾ ཀཐཱཾ ཛྙཱསྱཐ།

28 དེཝཏཱཔྲསཱདབྷཀྵྱཾ རཀྟབྷཀྵྱཾ གལཔཱིཌནམཱརིཏཔྲཱཎིབྷཀྵྱཾ ཝྱབྷིཙཱརཀརྨྨ ཙེམཱནི སཪྻྭཱཎི ཡུཥྨཱབྷིསྟྱཱཛྱཱནི; ཨེཏཏྤྲཡོཛནཱིཡཱཛྙཱཝྱཏིརེཀེན ཡུཥྨཱཀམ྄ ཨུཔརི བྷཱརམནྱཾ ན ནྱསིཏུཾ པཝིཏྲསྱཱཏྨནོ྅སྨཱཀཉྩ ཨུཙིཏཛྙཱནམ྄ ཨབྷཝཏ྄།

29 ཨཏཨེཝ ཏེབྷྱཿ སཪྻྭེབྷྱཿ སྭེཥུ རཀྵིཏེཥུ ཡཱུཡཾ བྷདྲཾ ཀརྨྨ ཀརིཥྱཐ། ཡུཥྨཱཀཾ མངྒལཾ བྷཱུཡཱཏ྄།

30 ཏེे ཝིསྲྀཥྚཱཿ སནྟ ཨཱནྟིཡཁིཡཱནགར ཨུཔསྠཱཡ ལོཀནིཝཧཾ སཾགྲྀཧྱ པཏྲམ྄ ཨདདན྄།

31 ཏཏསྟེ ཏཏྤཏྲཾ པཋིཏྭཱ སཱནྟྭནཱཾ པྲཱཔྱ སཱནནྡཱ ཨབྷཝན྄།

32 ཡིཧཱུདཱསཱིལཽ ཙ སྭཡཾ པྲཙཱརཀཽ བྷཱུཏྭཱ བྷྲཱཏྲྀགཎཾ ནཱནོཔདིཤྱ ཏཱན྄ སུསྠིརཱན྄ ཨཀུརུཏཱམ྄།

33 ཨིཏྠཾ ཏཽ ཏཏྲ ཏཻཿ སཱཀཾ ཀཏིཔཡདིནཱནི ཡཱཔཡིཏྭཱ པཤྩཱཏ྄ པྲེརིཏཱནཱཾ སམཱིཔེ པྲཏྱཱགམནཱརྠཾ ཏེཥཱཾ སནྣིདྷེཿ ཀལྱཱཎེན ཝིསྲྀཥྚཱཝབྷཝཏཱཾ།

34 ཀིནྟུ སཱིལསྟཏྲ སྠཱཏུཾ ཝཱཉྪིཏཝཱན྄།

35 ཨཔརཾ པཽལབརྞབྦཽ བཧཝཿ ཤིཥྱཱཤྩ ལོཀཱན྄ ཨུཔདིཤྱ པྲབྷོཿ སུསཾཝཱདཾ པྲཙཱརཡནྟ ཨཱནྟིཡཁིཡཱཡཱཾ ཀཱལཾ ཡཱཔིཏཝནྟཿ།

36 ཀཏིཔཡདིནེཥུ གཏེཥུ པཽལོ བརྞབྦཱམ྄ ཨཝདཏ྄ ཨཱགཙྪཱཝཱཾ ཡེཥུ ནགརེཥྭཱིཤྭརསྱ སུསཾཝཱདཾ པྲཙཱརིཏཝནྟཽ ཏཱནི སཪྻྭནགརཱཎི པུནརྒཏྭཱ བྷྲཱཏརཿ ཀཱིདྲྀཤཱཿ སནྟཱིཏི དྲཥྚུཾ ཏཱན྄ སཱཀྵཱཏ྄ ཀུཪྻྭཿ།

37 ཏེན མཱརྐནཱམྣཱ ཝིཁྱཱཏཾ ཡོཧནཾ སངྒིནཾ ཀརྟྟུཾ བརྞབྦཱ མཏིམཀརོཏ྄,

38 ཀིནྟུ ས པཱུཪྻྭཾ ཏཱབྷྱཱཾ སཧ ཀཱཪྻྱཱརྠཾ ན གཏྭཱ པཱམྥཱུལིཡཱདེཤེ ཏཽ ཏྱཀྟཝཱན྄ ཏཏྐཱརཎཱཏ྄ པཽལསྟཾ སངྒིནཾ ཀརྟྟུམ྄ ཨནུཙིཏཾ ཛྙཱཏཝཱན྄།

39 ཨིཏྠཾ ཏཡོརཏིཤཡཝིརོདྷསྱོཔསྠིཏཏྭཱཏ྄ ཏཽ པརསྤརཾ པྲྀཐགབྷཝཏཱཾ ཏཏོ བརྞབྦཱ མཱརྐཾ གྲྀཧཱིཏྭཱ པོཏེན ཀུཔྲོཔདྭཱིཔཾ གཏཝཱན྄;

40 ཀིནྟུ པཽལཿ སཱིལཾ མནོནཱིཏཾ ཀྲྀཏྭཱ བྷྲཱཏྲྀབྷིརཱིཤྭརཱནུགྲཧེ སམརྤིཏཿ སན྄ པྲསྠཱཡ

41 སུརིཡཱཀིལིཀིཡཱདེཤཱབྷྱཱཾ མཎྜལཱིཿ སྠིརཱིཀུཪྻྭན྄ ཨགཙྪཏ྄།