1 ཨཏོ ཧེཏོ རྦྷིནྣཛཱཏཱིཡཱནཱཾ ཡུཥྨཱཀཾ ནིམིཏྟཾ ཡཱིཤུཁྲཱིཥྚསྱ བནྡཱི ཡཿ སོ྅ཧཾ པཽལོ བྲཝཱིམི།

2 ཡུཥྨདརྠམ྄ ཨཱིཤྭརེཎ མཧྱཾ དཏྟསྱ ཝརསྱ ནིཡམཿ ཀཱིདྲྀཤསྟད྄ ཡུཥྨཱབྷིརཤྲཱཝཱིཏི མནྱེ།

3 ཨརྠཏཿ པཱུཪྻྭཾ མཡཱ སཾཀྵེཔེཎ ཡཐཱ ལིཁིཏཾ ཏཐཱཧཾ པྲཀཱཤིཏཝཱཀྱེནེཤྭརསྱ ནིགཱུཌྷཾ བྷཱཝཾ ཛྙཱཔིཏོ྅བྷཝཾ།

4 ཨཏོ ཡུཥྨཱབྷིསྟཏ྄ པཋིཏྭཱ ཁྲཱིཥྚམདྷི ཏསྨིནྣིགཱུཌྷེ བྷཱཝེ མམ ཛྙཱནཾ ཀཱིདྲྀཤཾ ཏད྄ བྷོཏྶྱཏེ།

5 པཱུཪྻྭཡུགེཥུ མཱནཝསནྟཱནཱསྟཾ ཛྙཱཔིཏཱ ནཱསན྄ ཀིནྟྭདྷུནཱ ས བྷཱཝསྟསྱ པཝིཏྲཱན྄ པྲེརིཏཱན྄ བྷཝིཥྱདྭཱདིནཤྩ པྲཏྱཱཏྨནཱ པྲཀཱཤིཏོ྅བྷཝཏ྄;

6 ཨརྠཏ ཨཱིཤྭརསྱ ཤཀྟེཿ པྲཀཱཤཱཏ྄ ཏསྱཱནུགྲཧེཎ ཡོ ཝརོ མཧྱམ྄ ཨདཱཡི ཏེནཱཧཾ ཡསྱ སུསཾཝཱདསྱ པརིཙཱརཀོ྅བྷཝཾ,

7 ཏདྭཱརཱ ཁྲཱིཥྚེན བྷིནྣཛཱཏཱིཡཱ ཨནྱཻཿ སཱརྡྡྷམ྄ ཨེཀཱདྷིཀཱརཱ ཨེཀཤརཱིརཱ ཨེཀསྱཱཿ པྲཏིཛྙཱཡཱ ཨཾཤིནཤྩ བྷཝིཥྱནྟཱིཏི།

8 སཪྻྭེཥཱཾ པཝིཏྲལོཀཱནཱཾ ཀྵུདྲཏམཱཡ མཧྱཾ ཝརོ྅ཡམ྄ ཨདཱཡི ཡད྄ བྷིནྣཛཱཏཱིཡཱནཱཾ མདྷྱེ བོདྷཱགཡསྱ གུཎནིདྷེཿ ཁྲཱིཥྚསྱ མངྒལཝཱརྟྟཱཾ པྲཙཱརཡཱམི,

9 ཀཱལཱཝསྠཱཏཿ པཱུཪྻྭསྨཱཙྩ ཡོ ནིགཱུཌྷབྷཱཝ ཨཱིཤྭརེ གུཔྟ ཨཱསཱིཏ྄ ཏདཱིཡནིཡམཾ སཪྻྭཱན྄ ཛྙཱཔཡཱམི།

10 ཡཏ ཨཱིཤྭརསྱ ནཱནཱརཱུཔཾ ཛྙཱནཾ ཡཏ྄ སཱམྤྲཏཾ སམིཏྱཱ སྭརྒེ པྲཱདྷཱནྱཔརཱཀྲམཡུཀྟཱནཱཾ དཱུཏཱནཱཾ ནིཀཊེ པྲཀཱཤྱཏེ ཏདརྠཾ ས ཡཱིཤུནཱ ཁྲཱིཥྚེན སཪྻྭཱཎི སྲྀཥྚཝཱན྄།

11 ཡཏོ ཝཡཾ ཡསྨིན྄ ཝིཤྭསྱ དྲྀཌྷབྷཀྟྱཱ ནིརྦྷཡཏཱམ྄ ཨཱིཤྭརསྱ སམཱགམེ སཱམརྠྱཉྩ

12 པྲཱཔྟཝནྟསྟམསྨཱཀཾ པྲབྷུཾ ཡཱིཤུཾ ཁྲཱིཥྚམདྷི ས ཀཱལཱཝསྠཱཡཱཿ པཱུཪྻྭཾ ཏཾ མནོརཐཾ ཀྲྀཏཝཱན྄།

13 ཨཏོ྅ཧཾ ཡུཥྨནྣིམིཏྟཾ དུཿཁབྷོགེན ཀླཱནྟིཾ ཡནྣ གཙྪཱམཱིཏི པྲཱརྠཡེ ཡཏསྟདེཝ ཡུཥྨཱཀཾ གཽརཝཾ།

14 ཨཏོ ཧེཏོཿ སྭརྒཔྲྀཐིཝྱོཿ སྠིཏཿ ཀྲྀཏྶྣོ ཝཾཤོ ཡསྱ ནཱམྣཱ ཝིཁྱཱཏསྟམ྄

15 ཨསྨཏྤྲབྷོ ཪྻཱིཤུཁྲཱིཥྚསྱ པིཏརམུདྡིཤྱཱཧཾ ཛཱནུནཱི པཱཏཡིཏྭཱ ཏསྱ པྲབྷཱཝནིདྷིཏོ ཝརམིམཾ པྲཱརྠཡེ།

16 ཏསྱཱཏྨནཱ ཡུཥྨཱཀམ྄ ཨཱནྟརིཀཔུརུཥསྱ ཤཀྟེ ཪྻྲྀདྡྷིཿ ཀྲིཡཏཱཾ།

17 ཁྲཱིཥྚསྟུ ཝིཤྭཱསེན ཡུཥྨཱཀཾ ཧྲྀདཡེཥུ ནིཝསཏུ། པྲེམཎི ཡུཥྨཱཀཾ བདྡྷམཱུལཏྭཾ སུསྠིརཏྭཉྩ བྷཝཏུ།

18 ཨིཏྠཾ པྲསྠཏཱཡཱ དཱིརྒྷཏཱཡཱ གབྷཱིརཏཱཡཱ ཨུཙྩཏཱཡཱཤྩ བོདྷཱཡ སཪྻྭཻཿ པཝིཏྲལོཀཻཿ པྲཱཔྱཾ སཱམརྠྱཾ ཡུཥྨཱབྷི རླབྷྱཏཱཾ,

19 ཛྙཱནཱཏིརིཀྟཾ ཁྲཱིཥྚསྱ པྲེམ ཛྙཱཡཏཱམ྄ ཨཱིཤྭརསྱ སམྤཱུརྞཝྲྀདྡྷིཔཪྻྱནྟཾ ཡུཥྨཱཀཾ ཝྲྀདྡྷི རྦྷཝཏུ ཙ།

20 ཨསྨཱཀམ྄ ཨནྟརེ ཡཱ ཤཀྟིཿ པྲཀཱཤཏེ ཏཡཱ སཪྻྭཱཏིརིཀྟཾ ཀརྨྨ ཀུཪྻྭན྄ ཨསྨཱཀཾ པྲཱརྠནཱཾ ཀལྤནཱཉྩཱཏིཀྲམིཏུཾ ཡཿ ཤཀྣོཏི

21 ཁྲཱིཥྚཡཱིཤུནཱ སམིཏེ རྨདྷྱེ སཪྻྭེཥུ ཡུགེཥུ ཏསྱ དྷནྱཝཱདོ བྷཝཏུ། ཨིཏི།