Marcos 11

1 ཨནནྟརཾ ཏེཥུ ཡིརཱུཤཱལམཿ སམཱིཔསྠཡོ རྦཻཏྥགཱིབཻཐནཱིཡཔུརཡོརནྟིཀསྠཾ ཛཻཏུནནཱམཱདྲིམཱགཏེཥུ ཡཱིཤུཿ པྲེཥཎཀཱལེ དྭཽ ཤིཥྱཱཝིདཾ ཝཱཀྱཾ ཛགཱད,

2 ཡུཝཱམམུཾ སམྨུཁསྠཾ གྲཱམཾ ཡཱཏཾ, ཏཏྲ པྲཝིཤྱ ཡོ ནརཾ ནཱཝཧཏ྄ ཏཾ གརྡྡབྷཤཱཝཀཾ དྲཀྵྱཐསྟཾ མོཙཡིཏྭཱནཡཏཾ།

3 ཀིནྟུ ཡུཝཱཾ ཀརྨྨེདཾ ཀུཏཿ ཀུརུཐཿ? ཀཐཱམིམཱཾ ཡདི ཀོཔི པྲྀཙྪཏི ཏརྷི པྲབྷོརཏྲ པྲཡོཛནམསྟཱིཏི ཀཐིཏེ ས ཤཱིགྷྲཾ ཏམཏྲ པྲེཥཡིཥྱཏི།

4 ཏཏསྟཽ གཏྭཱ དྭིམཱརྒམེལནེ ཀསྱཙིད྄ དྭཱརསྱ པཱརྴྭེ ཏཾ གརྡྡབྷཤཱཝཀཾ པྲཱཔྱ མོཙཡཏཿ,

5 ཨེཏརྷི ཏཏྲོཔསྠིཏལོཀཱནཱཾ ཀཤྩིད྄ ཨཔྲྀཙྪཏ྄, གརྡྡབྷཤིཤུཾ ཀུཏོ མོཙཡཐཿ?

6 ཏདཱ ཡཱིཤོརཱཛྙཱནུསཱརེཎ ཏེབྷྱཿ པྲཏྱུདིཏེ ཏཏྐྵཎཾ ཏམཱདཱཏུཾ ཏེ྅ནུཛཛྙུཿ།

7 ཨཐ ཏཽ ཡཱིཤོཿ སནྣིདྷིཾ གརྡྡབྷཤིཤུམ྄ ཨཱནཱིཡ ཏདུཔརི སྭཝསྟྲཱཎི པཱཏཡཱམཱསཏུཿ; ཏཏཿ ས ཏདུཔརི སམུཔཝིཥྚཿ།

8 ཏདཱནེཀེ པཐི སྭཝཱསཱཾསི པཱཏཡཱམཱསུཿ, པརཻཤྩ ཏརུཤཱཁཱཤྪིཏཝཱ མཱརྒེ ཝིཀཱིརྞཱཿ།

9 ཨཔརཉྩ པཤྩཱདྒཱམིནོ྅གྲགཱམིནཤྩ སཪྻྭེ ཛནཱ ཨུཙཻཿསྭརེཎ ཝཀྟུམཱརེབྷིརེ, ཛཡ ཛཡ ཡཿ པརམེཤྭརསྱ ནཱམྣཱགཙྪཏི ས དྷནྱ ཨིཏི།

10 ཏཐཱསྨཱཀམཾ པཱུཪྻྭཔུརུཥསྱ དཱཡཱུདོ ཡདྲཱཛྱཾ པརམེཤྭརནཱམྣཱཡཱཏི ཏདཔི དྷནྱཾ, སཪྻྭསྨཱདུཙྪྲཱཡེ སྭརྒེ ཨཱིཤྭརསྱ ཛཡོ བྷཝེཏ྄།

11 ཨིཏྠཾ ཡཱིཤུ ཪྻིརཱུཤཱལམི མནྡིརཾ པྲཝིཤྱ ཙཏུརྡིཀྶྠཱནི སཪྻྭཱཎི ཝསྟཱུནི དྲྀཥྚཝཱན྄; ཨཐ སཱཡཾཀཱལ ཨུཔསྠིཏེ དྭཱདཤཤིཥྱསཧིཏོ བཻཐནིཡཾ ཛགཱམ།