Litenpulun Sífiri Sandu wágubu
12 Ariñawagúati: «Gayaraati nadügüni le nabusenrun». Inarüni lira, gama lumoun mama sun katei lun buidu lan lanügün. Gayaraati nadügüni le nabusenrun, gama lumoun moun lumuti nígiraguagüdün nungua lun lamudiragunina ni kata. 13 Lunti urageirugu éigini, lun ligía éigini urageirugu, gama lumoun lagumuchaguagüdübei Bungiu biángubei katei le. Ánheinti wágubu, madügǘnti lun ahoruhani; ladügǘn wágubu lun Wabureme, Wabureme lun wágubu.
15 Ibidiñeti san hun luagu líbiri lan lúgubu Kristu huguya? Nanügeimeti líbiri lúgubu Kristu lun nadügüni líbirime túgubu aban horu? Madügün nubéi!
18 Anuraha humá lubeiti luéi ahoruhani. Furumiñeguarügü amu figóu le hadüga gürigia, bóugudi luéi hágubu ladüga damichi; ánhaña ha ederegeragutiña houngua lun ahoruhani, hadügüña figóu luagu hágubu guánarügü.