Afiñeni luma wadagimanu
14 Niduheñu, ka san hu lan lariñagun gürigia luagu afiñe lan anhein madügün ni kata lun larufuduni? Gayaraati funagia lasalbaruni afiñeni ligía? 17 Ítara liña lasuseredun luma afiñeni: Anhein marufudun hamá gürigia lau katei le hadügübei, afiñeni lábuguarügü, ítara liña kei aban katei hilaali.
18 Háfuga aniheinbei ariñaguti: «Buguya afiñetibu, au adüga numuti le buídubei». Au, ariñagatina lun iduhei ligía: «Arufudabéiti bafiñen nun bóugudin luéi buiti le badügübei, narufudeime nafiñen bun lau buiti le nadügübei».
24 Ariha humaali lubeiti, luagu richagua lan wügüri luagu buiti le ladügübei, ani mámarügü luagu lafiñen. 26 Ítara kei hilañu liña lan úgubu anhein ua tubéi uani lidan, hilañu liña giñe hafiñen anhein marufudun humá lau katei buiti le hadügübei.