4 Ánheinti dan le larufudunbalin Bungiu Wasalbaragüle lareini luma línsiñehabu houn gürigia, 5 aba lasalbaruniwa; mama hamuga ladüga wadügün somu katei buiti, ladüga wagudemen lun. Salba lumutiwa lau lachibuni wafigoun, ruti Sífiri Sandu iseri ibagari woun. 6 Lugundun ru laali Bungiu Sífiri Sandu woun lídangiñe Wasalbaragüle Hesukrístu. 7 Lau laricharaguagüdüniwa Bungiu ligibugiñe lau lareini, galagante wabéi lidan ibagari magumuchaditi le wagurabahabei lúmagiñe Bungiu sielu.