Yesu lengilinga mu Yelusalemu ne Bulemu
12 Busuba bwalakonkapo bantu bangi balesa akusekelela Pasika, balanyumfweti Yesu lesanga kuYelusalemu. 13 Neco balamanta misampi yamalala nekuya akukumana nendi. Kabolobesheti, "Bulemu kuli Lesa! Walelekwa uyo lesanga mulina lya Mwami! Alelekwe Mwami wa Islaeli!" 14 Yesu walatanta mwana wa mbongolo ngobalamuletela, mbuli Mabala ncalambangeti, 15 Kotatina, obe munshi wa Siyoni.
"Bona, Mwami wakobe lesanga,
watanta mwana wa mbongolo."
16 Pacindico beshikwiya bakendi baliya kunyumfwishisha. Nsombi Yesu mpwalapunduka nebulemu, empobalanuka kwambeti ibi byalembwa muMabala byalikwamba endiye, nekwambeti balamwinshila bintu ibi.
17 Bantu balikuba neYesu mpwalakuwa Lazaro mumanda nekumupundusha kubafu nabo balapitilisha kwamba pabintu mbyobalabona. 18 Ecebo cakendi bantu ncebalayilakukumana nendi, pakwinga balanyumfwa ceshikukankamanisha ncalensa. 19 Popelapo Bafalisi balatatika kwambilaneti, "Bonani afwe paliya ncetulenshinga, pakwinga bantu bonse balafwambilinga kulyendiye."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)