Honshan Mutun Yelusalende Orozho
1 Hhela Yelusalense chadashizhi Ganlanshanni Bofaqi, Bodanide kuzhekude Ersa ghua tujine peizhi 2 hhelade kieliewo, "Ta duimienni aghinde echi. Dei orose nie huiyasan ga enzheghei chanlane. Kieme unuzhi ese daozho. Ta andaghadene lai ire. 3 Kunla tande enei, 'Yangiezhi giezho?' giese ta 'Ezhan injine. Ingie deigo enende khugho ireghane.' giezhi kielie." 4 Hhela echise nie ga enzheghei wijien konni mo jiere huiya jiesei chanlawo. Hhela hhei andaghase 5 hhende beisan giedun kunla asawo, "Ta ga enzhegheni andaghazhi yan giene?" 6 Tujila Ersa kieliesan mutun kieliese hhela laighawo. 7 Hhela ga enzheghei lai Ersai shida ire goya jienlane enzheghe jiere daidene Ersai unughawo. 8 Olon kunla jienlane mo jiere peizho. Psedu kunla ghazhase chizhisan mutun chalai mo jiere peizho. 9 Melie khuinadu kunla waradazhi kieliezho,
"Hesanna!11:9 Bijienyi jiui!
Ezhanyi niereghala iresan hhei doulandu!
10 Mai xienren Dawudeni gojia iresande doulandu!
Zui Undudedu Hudade doulandu! Hesanna!"
11 Ersa Yelusalende kuru mechide orozhi zhouwini man nie uzhewo. Khara oluse Ersa 12 gie shiturene chenshise khirei Bodanide echiwo.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)