Mateus 3

Xili Gieghasan Yaheiya Chonjizho

1 Hhe xienzide xili gieghasan Yaheiya Yudayani hontande khizhedene chonjizhi kieliewo, 2 "Ta geizhen giendu, asiman gojia chadashiwo!" 3 Eneshi Isaiya xienzhi kieliesan hhe kun wo.

"Hontande nie kun waradazho.

'Ezhanni moni zhunbei gie!

Hhei moni zhidagha!'"

4 Yaheiya loto noghosunghala giesan jienyi musizhi arasunni pixie pixieliezho. Hhe ijiesanshi machazi, shimei wo. 5 Yelusalen, Yudayani go oron, Yedanheni idou oronlade sousan kunla man Yaheiyai hhende echidene 6 zuine renjizhi Yedanhede Yaheiyase xili jienliezho.