PETILI 1

23 Pabha nshibhelekwanga gwabhili, nngabha kwa mmbeju yawa, ikabhe kwa mmbeju yangawa, kwa lilobhe lya a Nnungu likwete gumi, litama pitipiti. 24 Na malinga Majandiko shigakuti bheleketa.

"Bhandunji bhowe malinga manyai,

na ukonjelo gwakwe gowe na malinga lilubha lya manyai.

Manyai ganajumula na malubha ganapakatika.

25 Ikabheje lilobhe lya Bhakulungwa linatama pitipiti."

Na lyene lilobhelyo ni Ngani Ja Mmbone jilungwiywe kwenu mmanganyanji.