Bhaapinjikwanga Kubha Bhaakagula bha a Yeshu
57 Bhalikwendangana mumpanda, mundu jumo gwabhabhalanjile a Yeshu, "Shininkagule kokowe kushinnjende."
58 A Yeshu gubhashite, "Nansheto akwete lishembo, na ijuni ikwete maui, ikabheje Mwana juka Mundu jwangali nkali pa pumulila."
59 Kungai gubhannugulile mundu juna, "Ngagula." Ikabheje jwenejo gwashite, "Mmakulungwa, nneshe oti ngaashishe atati."
60 Ikabheje a Yeshu gubhammalanjile, "Gwalekanje bhawilenje bhashikane ashaayene, ugwe ujende ukalunguye Upalume gwa a Nnungu."
61 Na mundu juna gwabhabhalanjile, "Mmakulungwa shininkagule, ikabheje nneshe oti ngalajile kumui."
62 A Yeshu gubhaalugulile, "Jojowe akamwile lijela nitandubha kulima, atendebhukaga kulola nnyuma, jwenejo akapwaa mu Upalume gwa a Nnungu."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)