Mateus 7

Ga Ukumula Bhananji

1 "Nnaukumulanje bhananji, a Nnungu bhanakwiya kunng’ukumulanga. 2 Pabha shinkwaukumulanga bhananji, nneyo peyo na mmanganyanji pushinng’ukumulwanje, shipimilo shinkwapimilanga bhananji na a Nnungu shibhampimilanje shosho. 3 Bhai, pakuti nnakushibhona shipande shili nniyo lika mpwenu, na lipoto lili nniyo lyenu nnalibhone? 4 Nkukombola bhuli kunnugulila mpwenu, ‘Leka nikushoye shipande nniyo lyako,’ akuno nninkwete lipande nniyo lyenu? 5 Mmwe mmagulumba! Nshoyeti lipande litemi nniyo lyenu, penepo shinnole ukoto nikombola shoya shipande shili nniyo lika mpwenu.