YAKOBHO 1

Kulingwa

12 Mbaya mundu akwiiluma ntima alilingwa, pabha akombolaga shaapegwe upo ya gumi shibhalajile Bhakulungwa ku bhandu bhakwaapinganga. 13 Monaga mundu alingwaga, analugule kuti, "A Nnungu bhananinga." Pabha a Nnungu bhakaalingwa na ilebho, na bhenebho bhakakunninga mundu. 14 Ikabheje kila mundu analingwa, kwa nonyelwa na tembwa na ilokoli yakwe nnyene. 15 Kwa nneyo shilokoli shipundaga shinabheleka shambi na shambi shikomalaga shinabheleka shiwo.