1 ತಸೆಚ್ ಬಾಯ್ಕಾಮನ್ಸಾನು, ಅಸೆಚ್ ತುಮ್ಚ್ಯಾ ಘವಾಕ್ನಿ ತುಮಿ ಖಾಯ್ಲ್ ಹೊವ್ನ್ ಚಲಾ, ಅಸೆ ತೆನಿ ದೆವಾಚ್ಯಾ ಗೊಸ್ಟಿ ವರ್ತಿ ವಿಶ್ವಾಸ್ ಥವ್ ನಸಲೆ ರ್‍ಹಾಲ್ಯಾರ್‍ಬಿ ತುಮಿ ಕರಲ್ಲ್ಯಾ ಕಾಮಾಂಚ್ಯಾ ವೈನಾ ತೆಂಚಿ ಮನಾ ವಿಶ್ವಾಸ್ ಜಿಕುನ್ ಘೆತ್ಯಾಶಿ ಎಕ್ ಗೊಸ್ಟ್ ಬಿ ತುಮಿ ಬೊಲುಚೆ ಮನುನ್ ನಾ . 2 ಕಶ್ಯಾಕ್ ಮಟ್ಲ್ಯಾರ್, ತೆನಿ ತುಮ್ಚಿ ಭಕ್ತಿ ಅನಿ ತುಮ್ಚಿ ಚಲ್ನುಕ್ ಕವ್ಡಿ ಪವಿತ್ರ್ ಮನುನ್ ಬಗ್ತ್ಯಾತ್. 3 ಟಕ್ಲ್ಯಾಚಿ ಕೆಸಾ ಬರೆ ಕರುನ್ ಉಕ್ಲುನ್ ಘೆತಲೆ ಹೊಂವ್ದಿತ್, ಸೊನ್ಯಾಚಿ ವಸ್ತಾ ನೆಸ್ತಲೆ ಬರೆ ಕಪ್ಡೆ ನೆಸ್ತಲೆ ಹೊಂವ್ದಿ ಹೆ ಸಗ್ಳೆ ಖಾಲಿ ದಾಕ್ವುಕ್ ಸಾಟ್ನಿ ಕರುಚೆ ನ್ಹಯ್, ಶಿಂಗಾರ್ ಹೊಯ್ ನಸ್ತಾನಾ ರ್‍ಹಾವ್ಚೆ. 4 ಹೆಚ್ಯಾ ಬದ್ಲಾಕ್ ಭುತ್ತುರ್ಲೊ ಮನ್ ಎಕ್ ಬೊಳ್ಯಾ ಪಾನಾನ್ ಅನಿ ಶಾಂತ್ಪಾನಾಚ್ಯಾ ಆತ್ಮ್ಯಾನ್ ಭರುನ್ ನಾಸ್ ಹೊಯ್‍ ನಸಲ್ಲ್ಯಾ ಶಿಂಗಾರ್ ಭರಲ್ಲೆ ರ್‍ಹಾಂವ್ದಿ, ತೆ ದೆವಾಚ್ಯಾ ನದ್ರೆಕ್ ಲೈ ಕಿಮ್ತಿಚೆ ಹೊವ್ನ್ ಹಾಯ್. 5 ಲೈ ಫಾಟ್ಲ್ಯಾ ಯೆಳಾರ್ ಪವಿತ್ರ್ ಜಿವನ್ ಕರಲ್ಲ್ಯಾ ಭಕ್ತಿನ್ ಚಲ್ತಲ್ಯಾ ಬಾಯ್ಕಾ ಮಾನ್ಸಾನಿ ದೆವಾಚೆರ್ ಬರೊಸೊ ಥವ್ನ್ ಮಾನುನ್ ಘೆವ್ನ್ ಚಲುನ್ ಅಸೆಚ್ ಅಪ್ನಾಕ್ನಿ ಬಿ ಶಿಂಗಾರ್ ಕರುನ್ ಘೆವ್ನ್ ಅಪ್ಲ್ಯಾ ಘವಾಕ್ನಿ ಖಾಲ್ತಿ ಹೊವ್ನ್ ಚಲ್ಲ್ಯಾನಿ. 6 ಕಸೆ ಸಾರಾನ್ ಅಬ್ರಾಹಾಮಾಕ್ ಖಾಲ್ತಿ ಹೊವ್ನ್ ಚಲ್ಲಿನ್ ಅನಿ ತೆಕಾ ಅಪ್ಲೊ ಯಜಮಾನ್ ಮನುನ್ ಬಲ್ವುಲಿನ್, ತಸೆಚ್ ತುಮಿ ಬರೆ ಅನಿ ಭಿಂಯೆ ನಸ್ತಾನಾ ಚಲ್ಲ್ಯಾಸಿ ಹೊಲ್ಯಾರ್ ತುಮಿ ಸಾರಾಚಿ ಲೆಕಿಯಾ ಹೊತ್ಯಾಶಿ.

7 ತಸೆಚ್ ಘವಾನಿ ತುಮ್ಚ್ಯಾ ಬಾಯ್ಕಾಕ್ನಿ ತುಮಿ ಬರೆ ಕರುನ್ ಸಮ್ಜುನ್ ಘೆವ್ನ್ ತಾಂಚ್ಯಾಕ್ನಾ ಜಿವನ್ ಕರುಚೆ, ಅನಿ ತುಮಿ ತೆಂಕಾ ಮಾನ್ ದಿವ್ಚೆ ತೆನಿ ತುಮ್ಚ್ಯಾ ಕಿಂತಾ ಬಿ ಬಳಾನ್ ಕಮಿಚೆ ಹಾತ್, ಖರೆ ತೆನಿಬಿ ತುಮ್ಚ್ಯಾ ವಾಂಗ್ಡಾ ದೆವಾಚ್ಯಾ ಕುರ್ಪೆನ್ ಭರಲ್ಲ್ಯಾ ಭೊಮಾನಾಚೆ ವಾರಿಸ್ದಾರಿ ಹೊವ್ನ್ ಹಾತ್, ಅಸೆ ತುಮಿ ಚಲ್ಲ್ಯಾರ್ ತುಮ್ಚ್ಯಾ ಮಾಗ್ನಿಯಾಕ್ನಿ ಕಾಯ್ಬಿ ಅಡ್ಕಳ್ ಯೆಯ್ನಾ.

8 ಆಕ್ರಿಕ್ ಮಿಯಾ ತುಮ್ಕಾ ಸಾಂಗ್ತಾ ತುಮಿ ಸಗ್ಳೆ ಜನಾ ಎಕ್ ಮಾನಾಚೆ ಅನಿ ದಯಾಳ್ ಹೊವ್ಚೆ, ಎಕಾಮೆಕಾಕ್ ಪ್ರೆಮಾನ್ ರ್‍ಹಾವ್ಚೆ, ಅನಿ ಕರಾನ್ ದಾಕ್ವುತಲೆ ಅನಿ ಎಕಾಮೆಕಾಕ್ ಖಾಯ್ಲ್ ಹೊವ್ನ್ ಚಲ್ತಲೆ ಹೊವ್ನ್ ರ್‍ಹಾವ್ಚೆ. 9 ವಾಯ್ಟ್ ಕರ್ತಲ್ಯಾಕ್ನಿ ವಾಯ್ಟ್ ಕರುನಕಾಸಿ, ಅನಿ ನಿಂದ್ಯಾ ಕರ್ತಲ್ಯಾಕ್ನಿ ಅನಿ ಪರ್ತುನ್ ನಿಂದ್ಯಾ ಕರಿನಸ್ತಾನಾ ತೆಚ್ಯಾ ಬದ್ಲಾಕ್ ತೆಕಾ ತುಮಿ ಆಶಿರ್ವಾದ್ ದಿವಾ, ಕಶ್ಯಾಕ್ ಮಟ್ಲ್ಯಾರ್, ದೆವಾನ್ ತುಮ್ಕಾ ಬಲ್ವಲ್ಲ್ಯಾ ತನ್ನಾ ತುಮ್ಕಾ ಗೊಸ್ಟ್ ದಿಲ್ಲಿ ಆಶಿರ್ವಾದಾಚ್ಯಾ ವಿಶಯಾತುಚ್,

10 ಪವಿತ್ರ್ ಪುಸ್ತಕ್ ಅಸೆ ಸಾಂಗ್ತಾ;

ಹ್ಯಾ ಜಿವನಾತ್ ಉಮ್ಮೆದಿನ್ ರ್‍ಹಾವ್ನ್ ಬರಿ ದಿಸಾ ಬಗುಚೆ ಮನುನ್ ಆಶಾ ಕರ್‍ತಲೊ ಬುರ್ಶಿ ಗೊಸ್ಟಿಯಾ ಬೊಲಿನಸ್ತಾನಾ

ಅನಿ ಝುಟಿ ಬೊಲ್ನಿಯಾ ಬೊಲಿನಸ್ತಾನಾ ರ್‍ಹಾಂವ್ದಿತ್.

11 ತೊ ವಾಯ್ಟತ್ನಾ ದುರ್ ರ್‍ಹಾಂವ್ದಿತ್ ಅನಿ ಬರೆ ಕರುಂದಿತ್,

ತೆನಿ ಸಮಾಧಾನ್ ಹುಡ್ಕುಂದಿತ್ ಅನಿ ತೆ ಜೊಡುನ್ ಘೆವ್ಕ್ ಬಗುಂದಿತ್.

12 ಕಶ್ಯಾಕ್ ಮಟ್ಲ್ಯಾರ್, ಸರ್ವೆಸ್ವರಾಚೆ ನದರ್ ನಿತಿನ್ ಚಲ್ತಲ್ಯಾಂಚ್ಯಾ ವರ್ತಿ ಹಾಯ್ ಅನಿ ತೆಚಿ ಕಾನಾ ತೆಂಚ್ಯಾ ಮಾಗ್ನಿಚ್ಯಾ ವರ್ತಿ ಹಾಯ್, ತೆಚ್ಯಾ ಸಾಟ್ನಿ ಕಾನಾಬಿ ಉಗ್ಡಿಚ್ ಹಾತ್, ಖರೆ ಸರ್ವೆಸ್ವರ್ ವಾಯ್ಟ್ ಕರ್ತಲ್ಯಾಂಚ್ಯಾ ವಿರೊದ್ ಹಾಯ್.

13 ತುಮಿ ಬರೆ ಕರುಕ್ ಗೆಲ್ಲ್ಯಾ ತನ್ನಾ ತುಮ್ಕಾ ವಾಯ್ಟ್ ಕರ್ತಲೊ ಕೊನ್ ತೊ? 14 ಖರೆ ಬರೆ ಕರ್ತನಾ ಬಿ ತುಮ್ಕಾ ತರಾಸ್ ಸೊಸುಕ್ ಗಾವ್ತಾ ಹೊಲ್ಯಾರ್ ತುಮ್ಚೆ ನಸಿಬ್ ಕೌಡೆ ಖರೆ! ಕೊನ್ ಬಿ ತುಮ್ಕಾ ತರಾಸ್ ಸೊಸುಕ್ ಗಾವ್ತಾ ಹೊಲ್ಯಾರ್ ತುಮಿ ನಿತಿವಂತ್ ! ತೆಕಾ ತುಮಿ ಭಿಂವ್ತಲೆ ನಕ್ಕೊ ಅನಿ ಚಿಂತುನಕಾಸಿ. 15 ಖರೆ ತುಮ್ಚ್ಯಾ ಬರೊಸ್ಯಾಕ್ ಆಧಾರ್ ಕಾಯ್ ಮನುನ್ ಇಚಾರ್ತಲ್ಯಾಕ್ನಿ ಜಬಾಬ್ ದಿವ್ಕ್ ತಯಾರ್ ರ್‍ಹಾವಾ, ಖರೆ ತುಮ್ಚ್ಯಾ ಮನಾತ್ನಿ ಕ್ರಿಸ್ತಾಚಿ ಭಕ್ತಿ ರ್‍ಹಾಂವ್ದಿತ್ ಅನಿ ಧನಿ ಮನುನ್ ತೆಕಾ ಮಾನ್ ದಿವಾ. 16 ಖರೆ ಹೆ ಕಾಮ್ ತುಮಿ ಬರ್‍ಯಾ ಪಾನಾನ್ ಅನಿ ಗೌರವಾನ್ ಕರಾ ತುಮ್ಚೊ ಮನ್ ಪವಿತ್ರ್ ರಾಂವ್ದಿತ್, ಅಸೆ ತನ್ನಾ ತುಮ್ಚ್ಯಾ ವಿಶಯಾತ್ ಬುರ್ಶಿ ಗೊಸ್ಟಿಯಾ ಬೊಲ್ತಲೆ ತುಮಿ ಕ್ರಿಸ್ತಾತ್ ಬರೆ ಹೊವ್ನ್ ಜಿವನ್ ಕರ್ತಲೆ ಬಗುನ್ ಅಪ್ನಿ ಸಾಂಗಲ್ಲ್ಯಾ ಬುರ್ಶ್ಯಾ ಸಂಗ್ತಿಯಾಕ್ನಿ ತೆನಿಚ್ ಮರ್ಯಾದ್ ಕರುನ್ ಘೆಂವ್ದಿತ್.

17 ಕಶ್ಯಾಕ್ ಮಟ್ಲ್ಯಾರ್, ವಾಯ್ಟ್ ಕರ್ತಲ್ಲ್ಯಾಚ್ಯಾನ್ಕಿ ದೆವಾಚಿ ಇಚ್ಚ್ಯಾ ಹೊಯ್ ಹೊಲ್ಲ್ಯಾರ್ ಬರೆ ಕರ್ತಲ್ಯಾಸಾಟ್ನಿ ಕಸ್ಟ್ ಸೊಸ್ತಲೆ ಬರೆ. 18 ಕಶ್ಯಾಕ್ ಮಟ್ಲ್ಯಾರ್, ಕ್ರಿಸ್ತ್ ಪಾಪಾಂಚ್ಯಾ ಸಾಟ್ನಿ ಅನಿ ಸಗ್ಳ್ಯಾಂಚ್ಯಾ ಸಾಟ್ನಿ ಮರ್ಲೊ, ತುಮ್ಕಾ ದೆವಾಕ್ಡೆ ಘೆವ್ನ್ ಜಾವ್ಕ್ ಸಾಟ್ನಿ ವಿಶ್ವಾಸ್ ನತ್ತ್ಯಾ ಲೊಕಾಚ್ಯಾ ಜಾಗ್ಯಾರ್ ಎಕ್ ಬರೊ ಮಾನುಸ್ ಮರ್‍ಲೊ ತೆಕಾ ಅಂಗಾಚ್ಯಾ ಮಾಸಾಚ್ಯಾ ರುಪಾರ್ ಜಿವಾನಿ ಮಾರುನ್ ಹೊಲ್ಲೆ, ಖರೆ ಆತ್ಮಿಕ್ ರಿತಿನ್ ಝಿತ್ತೊ ಕರುನ್ ಉಟ್ವುನ್ ಹೊಲೆ. 19 ಮಾನಾ ಆತ್ಮ್ಯಾಚ್ಯಾ ರುಪಾತ್ ತೊ ಗೆಲೊ ಅನಿ ಬಂದಿಖಾನ್ಯಾತ್ ಹೊತ್ತ್ಯಾ ಆತ್ಮ್ಯಾಕ್ನಿ ತೆನಿ ಬರಿ ಖಬರ್ ಸಾಂಗ್ಲ್ಯಾನ್. 20 ಹೊ ಆತ್ಮೊ ಖಲೊ ಮಟ್ಲ್ಯಾರ್, ನೊಯೆ ಢೊನ್ ಬಾಂದ್ತಾನಾ ಶಾಂತ್ಪಾನಾನ್ ರಾಕುನ್ಗೆತ್ ಹೊತ್ತ್ಯಾ ದೆವಾನ್ ತನ್ನಾ ಆಟ್ ಲೊಕಾ ತವ್ಡಿಚ್ ಪಾನಿಯಾಕ್ನಾ ಹುರ್‍ಲಿ. 21 ಖರೆ ದೆವಾಚ್ಯಾ ವಾಂಗ್ಡಾ ಎಕ್ ಬರ್‍ಯಾ ಮನಾನ್ ಗೊಸ್ಟ್ ದಿತಲೆ ಹೊವ್ನ್ ಹಾಯ್, ಹೆ ಬಾಲ್ತಿಮ್ ತುಮ್ಕಾ ಜೆಜು ಕ್ರಿಸ್ತಾಚ್ಯಾ ಝಿತ್ತೊ ಹೊವ್ನ್ ಉಟಲ್ಲ್ಯಾಚ್ಯಾ ವೈನಾ ಹುರ್‍ವುತಾ. 22 ಅತ್ತಾ ಜೆಜು ಸರ್‍ಗಾಕ್ ಗೆಲಾ, ತೊ ದೆವಾಚ್ಯಾ ಉಜ್ವ್ಯಾ ಭಾಜುಕ್ ಬಸ್ಲಾ, ಅನಿ ತೊ ದೆವ್‍ದುತಾ, ಅಧಿಕಾರಿಯಾ ಅನಿ ಅಜಾಪಾಂಚ್ಯಾ ವರ್ತಿ ರಾಜ್ವಟ್ಕಿ ಕರುಲ್ಲಾ.