Atos 2

ಪವಿತ್ರ್ ಆತ್ಮ್ಯಾಚೆ ಯೆನೆ

1 * 2:1 ಲೆವಿ 23; 15-21;ದ್ವಿತಿ 16.9-11 ಪಾಸ್ಕಾಚ್ಯಾ ಸನಾಚ್ಯಾ ಮಾನಾ ಪನ್ನಾಸ್ ದಿಸಾ ಹೊಲ್ಲ್ಯಾ ತನ್ನಾ ಜುದೆವಾಂಚಿ ಲೊಕಾ ಕಾತ್ರನಿಚ್ಯಾ ದಿಸಾತ್ನಿ ಎಕ್ ಸನ್ ಕರ್ತಾತ್ ಹ್ಯಾ ದಿಸಾಕ್ ಪೆಂತೆಕೊಸ್ತಾಚೊ ದಿಸ್ ಮನುನ್ ಬಲ್ವುತಾತ್. ಪೆಂತೆಕೊಸ್ತಾಚ್ಯಾ ಸನಾದಿಸಿ ದೆವಾಚಿ ಸಗ್ಳ್ಯಿ ಲೊಕಾ ಎಕ್ ಜಾಗ್ಯಾರ್ ಗೊಳಾ ಹೊವ್ನ್ ಯೆಲ್ಲಿ. 2 ತನ್ನಾ ಮಳ್ಬಾಕ್ನಾ ಎಗ್ದಾಚ್ ಎಕ್ ಆವಾಜ್ ಯೆಲೊ ತೊ ಆವಾಜ್ ಮೊಟೊ ವಾರೊ ಯೆಲ್ಲ್ಯಾ ಸಾರ್ಕೊ ಹೊತ್ತೊ. ಅನಿ ತೊ ಅವಾಜ್ ತೆನಿ ಬಸಲ್ಲ್ಯಾ ಘರಾತ್ ಫುರಾ ಪಗಳ್ಲೊ. 3 ಅನಿ ತೆನಿ ಜಿಬ್ಲಿಯಾಂಚ್ಯಾ ಸಾರ್ಕೆ ಹೊತ್ತಿ ಆಗ್ ಬಗಟ್ಲ್ಯಾನಿ, ತಿ ಆಗಿಚಿ ಜಿಬ್ಲಿಯಾ ಪಗ್ಳುನ್ ಥೈ ಹೊತ್ತ್ಯಾ ಹರ್ ಎಕ್ಲ್ಯಾಚ್ಯಾ ವರ್‍ತಿ ಪಡ್ತಾ. 4 ತನ್ನಾ ತೆನಿ ಸಗ್ಳೆ ಪವಿತ್ರ್ ಆತ್ಮ್ಯಾನ್ ಭರುನ್, ತೊ ಆತ್ಮೊ ತೆಂಕಾ ಕಸಿ ಬಳ್ ದಿತಾ ತಸೆ ದುಸ್ರ್ಯಾ ದುಸ್ರ್ಯಾ ಭಾಶಾತ್ನಿ ಬೊಲುಕ್ ಲಾಗ್ಲೆ.

5 ಲೈ ಭಕ್ತಿವಂತ್ ಹೊತ್ತಿ ಜುದೆವಾಂಚಿ ಲೊಕಾ ತ್ಯಾ ವೆಳಾರ್ ಜೆರುಜಲೆಮಾತ್ ಹೊತ್ತಿ, ತೆಂಚ್ಯಾತ್ ಜಗಾತ್ಲ್ಯಾ ಹರ್ ಎಕ್ ದೆಶ್ಯಾಕ್ನಾ ಯೆಲ್ಲಿ ಲೊಕಾಬಿ ಹೊತ್ತಿ, ತೊ ಆವಾಜ್ ಯೆಲ್ಲ್ಯಾ ತನ್ನಾ ಥೈ ಲೈ ಲೊಕಾ ಗೊಳಾ ಹೊಲ್ಲಿ ಹೊತ್ತಿ.