1 ಮೊಯ್ಜೆಚೆ ಖಾಯ್ದೆ ಫಿಡೆ ಯೆತಲ್ಯಾ ಬರ್‍ಯಾಪಾನಾಚಿ ಸಾವ್ಳಿ ಶಿವಾಯ್ ತೆಂಚೊ ಖರೊ ರುಪ್ ನ್ಹಯ್, ಪರ್ತುನ್ ಪರ್ತುನ್ ವರ್ಸಾ ಬಲಿ ದಿಲ್ಯಾರ್ಬಿ ತೆಚ್ಯಾ ವೈನಾ ದೆವಾಚೆ ಆರಾದನ್ ಕರ್‍ತಲ್ಯಾಕ್ನಿ ಸಂಪುರ್ನ್ ಕರುಕ್ ಖಾಯ್ದ್ಯಾಂಚಾನ್ ಹೊವ್ಕ್ ನಾ. 2 ತೆಂಚ್ಯಾ ಆರಾಧನ್‍ ಕರ್ತಲ್ಯಾ ದೆವಾನ್ ತೆಂಕಾ ಪಾಪಾತ್ನಾ ಪುರಾ ರಿತಿನ್ ಧುವ್ನ್ ಕಾಡಲ್ಲೆ ರ್‍ಹಾಲ್ಯಾರ್, ತೆನಿ ಬಲಿ ದಿತಲೆ ಮನುನ್ ತೆಂಚೊ ಮನ್ ಕಸೊ ಸಾಂಗುಕ್ ಹೊತಾ? 3 ಖರೆ ಯಜ್ನ್ ಕರ್‍ತಲ್ಯಾ ಸಾಟ್ನಿ ಹರ್ ವರ್ಸಾ ಬಿ ಅದ್ದಿ ಕರಲ್ಯಾ ಪಾಪಾಂಚಿ ಯಾದ್ ಕರಲ್ಯಾ ಸಾರ್ಕೆ ಹೊತಾ ನ್ಹಯ್. 4 ಬೈಲಾಂಚ್ಯಾ, ಅನಿ ಪಾಲ್ವ್ಯಾಂಚ್ಯಾ ರಗ್ತಾನ್ ಪಾಪಾತ್ನಾ ಸುಟ್ಕಾ ಹೊವ್ಕ್ ಹೊಯ್ನಾ. 5 ತಸೆ ಹೊವ್ನ್, ಕ್ರಿಸ್ತ್ ಹ್ಯಾ ಜಗಾತ್ ಯೆತಾನಾ ಸಾಂಗಲ್ಲೆ ಕಾಯ್ ಮಟ್ಲ್ಯಾರ್,

ದೆವಾ ತುಕಾ ಯಜ್ನ್ ಕರ್‍ತಲೆ ಅನಿ ಕಾನಿಕಾಚಿ ಆಶಾ ನಾ ಖರೆ ತಿಯಾ ಮಾಜ್ಯಾ ಸಾಟ್ನಿ ಆಂಗ್ ತಯಾರ್ ಕರುನ್ ಥವ್ಲೈ.

6 ಜನಾವರಾಂಚೆ ಸಗ್ಳೆ ಆಂಗ್ ಜಾಳ್ವುತಲೆ ನಾ ಹೊಲ್ಯಾರ್ ಪಾಪಾಚ್ಯಾ ಸುಟ್ಕೆಸಾಟ್ನಿ ಭೆಟ್ವಲ್ಲಿ ಬಲಿ ತುಜ್ಯಾ ಮನಾಕ್ ಯೆಯ್ನಾತ್.

7 ತನ್ನಾ ಮಿಯಾ ಮಟ್ಲೊ ಅಬಕ್ ದೆವಾ ತುಜ್ಯಾ ಖಾಯ್ದ್ಯಾಂಚ್ಯಾ ಪುಸ್ತಕಾತ್ ಮಾಜ್ಯಾ ವಿಶಯಾತ್ ಲಿವಲ್ಲ್ಯಾ ಸಾರ್ಕೆ

ತುಜ್ಯಾ ಮನಾಕ್ ಯೆಯ್ ಸಾರ್ಕೆ ಕರುಕ್ ಮಿಯಾ ಯೆತಾ.

8 ತೆನಿ ಪೈಲೆ ಮಟ್ಲ್ಯಾನ್; "ಜನಾವರಾಂಚೆ ಸಗ್ಳೆ ಆಂಗ್ ಜಾಳ್ವುತಲೆ ಅನಿ ಪಾಪಾಂಚ್ಯಾ ಸುಟ್ಕಾ ಸಾಟ್ನಿ ಭೆಟ್ವುತಲಿ ಬಲಿಯಾ ತುಜ್ಯಾ ಮನಾಕ್ ಯೆವ್ಕನಾತ್" ಜಾಲ್ಯಾರ್‍ಬಿ ಹೆ ಸಗ್ಳೆ ಖಾಯ್ದ್ಯಾನ್ ಸಾಂಗಲೆ ಸಾರ್ಕೆ ಭೆಟ್ವುತಲಿ ಬಲಿಯಾ ಹೊವ್ನ್ ಹಾತ್. 9 ಮಾನಾ ತೊ ಮನ್ತಾ; ತುಜ್ಯಾ ಮನಾ ಸಾರ್ಕೆ ಕರುಕ್ ಮಿಯಾ ಯೆಲಾ ತಸಿ ಮಟ್ಲ್ಯಾರ್ ಪೈಲೆಚೆ ತೊ ರದ್ದ್ ಕರ್‍ತಾ, ಅನಿ ದೊನ್ವೆಚೆ ಕ್ರಿಸ್ತಾಚೊ ನ್ಹವಿನ್ ವಾಟ್ ಖಾತ್ರಿ ಕರ್‍ತಾ. 10 ಹ್ಯಾಚ್ ಇಚ್ಚ್ಯಾಸಾರ್ಕೆ ಜೆಜು ಕ್ರಿಸ್ತಾಚ್ಯಾ ಆಂಗಾಚ್ಯಾ ಎಕುಚ್‍ದಾ ಕರಲ್ಯಾ ಬಲಿ ವೈನಾ ಅಮಿ ಪವಿತ್ರ್ ಹೊಲ್ಯಾಂವ್.

11 ಹರ್ ಎಕ್ ಯಾಜಕಾ ಸದ್ದಿ ಬಲಿ ಭೆಟ್ವುತಲ್ಯಾ ಕಟ್ಟ್ಯಾಚಿ ಸೆವಾ ಕರುನ್ ಪರ್‍ತು ಪರ್ತುನ್ ಎಕುಚ್ ನಮನ್ಯಾಚಿ ಬಲಿ ಭೆಟ್ಟುತಾತ್, ಹೊಲ್ಯಾರ್ಬಿ ತ್ಯಾ ಬಲಿಯಾಕ್ನಿ ಪಾಪ್ ಧುವ್ಕ್ ಹೊಯ್ನಾ. 12 ಖರೆ ಹ್ಯಾ ಯಾಜಕಾನ್ ಸಗ್ಳ್ಯಾ ಪಾಪಾಂಚ್ಯಾ ಪರಿಹಾರ್ ಸಾಟ್ನಿ ಎಗ್ದಾಚ್ ಎಕುಚ್ ಬಲಿ ಭೆಟ್ವುಲ್ಯಾನ್, ಅನಿ ತೊ ದೆವಾಚ್ಯಾ ಉಜ್ವ್ಯಾ ಭಾಜುಕ್ ಬಸ್ಲಾ. 13 ತೆಚಾ ದುಶ್ಮನಾಕ್ನಿ ಪಾಯ್ ಥವ್ತಲಿ ಮ್ಹನಿ ಸಾರ್ಕೆ ಕರಿಪತರ್ ರಾಕುನ್ ರ್‍ಹಾಲೊ. 14 ಎಕ್ ಭೆಟ್ವನಿ ವೈನಾ ತೆನಿ ಪಾಪಾತ್ ಪವಿತ್ರ್ ಹೊಲ್ಲೆ ಹಾತ್, ತೆಂಕಾ ಸದಾಸರ್ವತಾಕ್ ಸಂರ್ಪುನ್ ಕರ್‍ಲಾ.

15 ಪವಿತ್ರ್ ಆತ್ಮೊಬಿ ಅಮ್ಕಾ ಹೆಚ್ಯಾ ವಿಶಯಾತ್ ಸಾಕ್ಷಿ ದಿತಾ,ಅನಿ ಸಾಂಗ್ತಾ.

16 ತೊ ಯೆಳ್ ಯೆಲ್ಲ್ಯಾ ತೆಂಚ್ಯಾಕ್ಡೆ ಮಿಯಾ ಎಕ್ ನ್ಹವೊ ಕರಾರ್ ಕರ್‍ತಾ ಮನುನ್ ಧನಿ ಮನ್ತಾ

ತೆಂಚ್ಯಾ ಮನಾತ್ನಿ ಲಿವ್ತಾ.

17 ಮಾನಾ ತೊ ತೆಂಚೊ ಪಾಪ್ ಅನಿ ಬುರ್ಶಿ ಕಾಮಾ ಹೆಚ್ಯಾನ್ ಫಿಡೆ ಕನ್ನಾಚ್ ಯಾದ್ ಕರಿನಾ ಮನುನ್ ಸಾಂಗ್ತಾ. 18 ಪಾಪಾತ್ನಾ ಮಾಪ್ ಗಾವ್ಲ್ಯಾ ಮಾನಾ ಪಾಪಾಚಿ ಬಲಿ ಭೆಟ್ವುತಲಿ ಗರಜ್ ನಾ.

19 ಮಾಜ್ಯಾ ಭಾವಾನು ಅನಿ ಭೆನಿಯಾನು ಜೆಜುಚ್ಯಾ ಮರ್‍ನಾ ವೈನಾ ಅಮ್ಕಾ ಅಗ್ದಿ ಪವಿತ್ರ್ ಜಾಗ್ಯಾರ್ ಜಾತಲೊ ಸಗ್ಳೊ ಸ್ವತಂತ್ರ್ ಗಾವ್ಲಾ. 20 ತೆನಿ ಉಗಡಲ್ಲೊ ತೊ ಫಡ್ದೊ ಮಟ್ಲ್ಯಾರ್, ತೆಜೆಚ್ ಸ್ವತಾಚೆ ಆಂಗ್. 21 ದೆವಾಚ್ಯಾ ಘರಾಚೆ ಅಧಿಕಾರ್ ಚಾಲ್ವುತಲೊ ಎಕ್ ಮೊಟೊ ಯಾಜಕ್ ಅಮ್ಕಾ ಗಾವ್ಲೊ. 22 ಖರ್ಯ್ಯಾ ಮನಾನ್ ಅನಿ ಘಟ್ಟ್ ವಿಶ್ವಾಸಾಚ್ಯಾ ಖಾತ್ರಿ ಜೆ ಚುಕಿತ್ ಹೊತ್ತಿ ಭುತ್ತುರ್ಲಿ ಮನಾ ಪವಿತ್ರ್ ಕರುನ್ ಅನಿ ಪವಿತ್ರ್ ಪಾನಿಯಾನ್ ಧುವ್ನ್ ಘೆವ್ನ್ ದೆವಾಚ್ಯಾ ಜಗೊಳ್ ಜಾಂವ್ವಾ. 23 ಅಮಿ ಪರ್ಗಟ್ ಕರ್‍ತಲೊ ಬರೊಸೊ ಘಟ್ ಸಂಬಾಳುನ್ ಘೆಂವ್ವಾ, ಕಶ್ಯಾಕ್ ಮಟ್ಲ್ಯಾರ್, ಅಮ್ಕಾ ಗೊಸ್ಟ್ ದಿಲ್ಲೊ ದೆವ್ ಕನ್ನಾಬಿ ವಿಸ್ವಾಸಿ ಎಕಾಮಕಾಚಿ ಕಾಳ್ಜಿ ಕರುಂವಾ. 24 ಎಕಾಮೆಕಾಕ್ ಮಜತ್ ಕರುಸಾಟ್ನಿ, ಅನಿ ಪ್ರೆಮ್ ದಾಕ್ವುಸಾಟ್ನಿ ಅಮಿ ಎಕಾಮೆಕಾಚಿ ಕಾಳ್ಜಿ ಕರುಂವಾ. 25 ಅಮ್ಚ್ಯಾ ಮದ್ದಿ ಚಾಲು ಹೊತ್ತಿ ಎಕಾಕ್ಡೆ ಮಿಳುನ್ ಯೆತಲಿ ಸವಯ್, ಅಮಿ ಸೊಡುಚೆ ನ್ಹಯ್ ಉಲ್ಲ್ಯಾ ಲೊಕಾನಿ ಸೊಡುನ್ ದಿಲಾತ್, ಖರೆ ಅಮಿ, ಖರೆಚ್‍ಬಿ ಅಮಿ ಎಕಾಮೆಕಾಕ್ನಿ ಜಾಸ್ತಿ ಉಮ್ಮೆದ್ ದಿವ್ಕ್ ಪಾಜೆ, ಕಶ್ಯಾಕ್ ಮಟ್ಲ್ಯಾರ್, ಧನಿಯಾಚೊ ದಿಸ್ ಜಗೊಳ್ ಯೆಲಾ ತೊ ತುಮಿ ಬಗ್ತ್ಯಾಸಿ.

26 ಕಶ್ಯಾಕ್ ಮಟ್ಲ್ಯಾರ್, ಖರೆ ಕಾಯ್ ಮನುನ್ ಕಳ್ವುನ್ ಘೆಟಲ್ಲೆ ಅಮಿ ಪಾಜೆ ಮನುನ್ ಪಾಪ್ ಕರ್ಲ್ಯಾರ್ ತೊ ಪಾಪ್ ಮಾಪ್ ಕರುಕ್ ಅನಿ ಎಕ್ ದುಸ್ರಿ ಬಲಿ ನಾ. 27 ಲೈ ಭಿಂಯಾನ್ ರಾಕಿತ್ ಹೊತ್ತ್ಯಾ ನ್ಯಾಯ್ ನಿರ್ನಯಾಚೊ ದಿಸ್ ದೆವಾಚ್ಯಾ ವಿರೊದ್ಯಾಕ್ನಿ ಜಾಳ್ವುತಲಿ ಮೊಟಿ ಆಗ್ ಹೆ ಸಗ್ಳೆ ಅಮ್ಚ್ಯಾ ಫಿಡೆ ಹಾಯ್.

28 ಮೊಯ್ಜೆಚೆ ಖಾಯ್ದೆ ಮೊಡ್ತಾ ಹೊಲ್ಯಾರ್ ತೆಕಾ ದೊನ್ ನಾತರ್ ತಿನ್ ಸಾಕ್ಷಿಯಾಂಚ್ಯಾ ವೈನಾ ಉಲ್ಲಿಬಿ ದಯಾ ದಾಕ್ವಿನಸ್ತಾನಾ ಮರನಾಚಿ ಶಿಕ್ಷಾ ದಿತ್ಯಾತ್ . 29 ಕೊನ್‍ತರಿ ಎಕ್ಲೊ ದೆವಾಚ್ಯಾ ಲೆಕಾಕ್ ತುಡ್ವುನ್ ಕರಾರ್ ಘಟ್ಟ್ ಕರಲ್ಯಾ ಅಪ್ನಾಕ್ ಪವಿತ್ರ್ ಕರಲ್ಯಾ ರಗ್ತಾಕ್ ಅಶುದ್ದ್ ಮನುನ್ಗೆವ್ನ್ ದೆವಾಚಿ ಕುರ್ಪಾ ಹೊವ್ನ್ ಹೊತ್ತ್ಯಾ ಆತ್ಮ್ಯಾಕ್ ಅವಮಾನ್ ಕರಲೊ ರಾಲ್ಯಾರ್ ತೆಕಾ ಕವ್ಡಿ ಮೊಟಿ ಶಿಕ್ಷಾ ಗಾವ್ತಾ ಅಸಿಲ್? 30 ಮಿಯಾ ಶೆಡ್ ಕಾಡುನ್ ಘೆತಾ, ಮಿಯಾಚ್ ಅನಿ ಪರ್ತುನ್ ಘಟ್ಟ್ ಕರಲ್ಲ್ಯಾ ಅಪ್ನಾಕ್ ಪವಿತ್ರ್ ಕರಲೆ ರಗಾತ್ ಚೊಕ್ಕ್ ನ್ಹಯ್ ಮನುನ್ ಯೆವ್ಜುನ್ ದೆವಾಚಿ ಕುರ್ಪಾ ಹೊವ್ನ್ ಹೊತ್ತ್ಯಾ ಆತ್ಮ್ಯಾಕ್ ಕನ್ನಾ ಘಡ್ತಾ ಮನುನ್ ಸಾಂಗಲೆ ಹಾಯ್, ಕೊನ್ ಮಟ್ಲಾ ಮನ್ತಲೆ ಆಮ್ಕಾ ಗೊತ್ತ್ ಹಾಯ್, ಅನಿ ಧನಿ ಅಪ್ನಾಚ್ಯಾ ಲೊಕಾಕ್ನಿ ನ್ಯಾಯ್ ನಿರ್‍ನಯ್ ಕರ್‍ತಾ, ಅಸೆಬಿ ಮನ್ತಲೊ ಕೊನ್ ಮನುನ್ ಅಮ್ಕಾ ಗೊತ್ತ್ ಹಾಯ್. 31 ಝಿತ್ತ್ಯಾ ದೆವಾಚ್ಯಾ ಹಾತಿತ್ ಗಾವ್ನ್ ಪಡ್ತಲೆ ಕವ್ಡೆ ಭಯಾನಕ್ ಹಾಯ್!

32 ತಸೆ ಹೊಲ್ಯಾರ್ ಅದ್ಲ್ಯಾ ದಿಸಾಂಚಿ ಯಾದ್ ಕರಾ, ತ್ಯಾ ದಿಸಾತ್ನಿ ತೆಂಕಾ ದೆವಾಚೊ ಉಜ್ವೊಡ್ ಗಾವಲ್ಯಾ ತನ್ನಾ ಕಸ್ಟಾಂಚಿ ಮೊಟಿ ಎಕ್ ಮಾರಾಮಾರಿಚ್ ತುಮಿ ಕರ್ಲ್ಯಾಸಿ. 33 ಎಕ್ ವಾಟೆನ್ ಸಗ್ಳ್ಯಾಂಚ್ಯಾ ಇದ್ರಾಕ್ ನಿಂದಾ ಅನಿ ತರಾಸ್ ಸೊಸ್ಲ್ಯಾಸಿ, ಅನಿ ಎಕ್ ವಾಟೆನ್ ತಸ್ಲೊ ಕಸ್ಟ್ ಸೊಸ್ತಲ್ಯಾಂಚೆ ವಾಂಗ್ಡಿ ತುಮಿ ಹೊಲ್ಯಾಶಿ. 34 ಬಂಧಿಖಾನ್ಯಾತ್ ಹೊತ್ಯಾಂಚ್ಯಾ ಕಸ್ಟಾ ದುಖಾತ್ನಿ ಸೈತ್ ತುಮಿ ವಾಟೊ ಘೆಟ್ಲ್ಯಾಸಿ, ಅನಿ ತುಮ್ಚಿ ಆಸ್ತಿ, ಬದಿಕ್ ಎಚುನ್ ಘೆವ್ನ್ ಜಾವ್ಕ್ ತುಮಿ ಕುಶಿನ್ ಸೊಡ್ಲ್ಯಾಸಿ, ಕಶ್ಯಾಕ್ ಮಟ್ಲ್ಯಾರ್ ತೆಜ್ಯಾನ್ಕಿ ಲೈ ಬರಿ ಅನಿ ಶಾಶ್ವತ್ ರ್‍ಹಾತಾ ತಸ್ಲಿ ಸಾವ್ಕಾರ್ಕಿ ತುಮ್ಕಾ ಹಾಯ್ ಮನುನ್ ತುಮಿ ಕಳ್ವುನ್ ಘೆಟ್ಲ್ಯಾಸಿ. 35 ತಸೆ ಹೊಲ್ಯಾರ್, ತುಮ್ಚೊ ಹ್ಯೊ ಧೈರೊ ಸೊಡುನ್ ದಿವ್‍ನಕಾಸಿ ಕಶ್ಯಾಕ್ ಮಟ್ಲ್ಯಾರ್, ತುಮ್ಚ್ಯಾ ಧೈರ್‍ಯಾಕ್ ಭೊಮಾನ್ ಕಮ್ವುನ್ ಘೆತ್ಯಾಶಿ. 36 ದೆವಾಚ್ಯಾ ಮರ್ಜಿ ಸಾರ್ಕೆ ಅನಿಬಿ ಸಂಬಾಳ್ಕಿಚಿ ಗರಜ್ ಹಾಯ್ ತನ್ನಾ ತುಮ್ಕಾ ಗೊಸ್ಟಿಚೊ ಪ್ರತಿಫಳ್ ಗಾವ್ತಾ. 37 ಕಶ್ಯಾಕ್ ಮಟ್ಲ್ಯಾರ್,

ಉಲ್ಲೊಸೊಚ್ ಯೆಳ್ ಹುರ್‍ಲಾ,

ಯೆತಾ ಮನುನ್ ಸಾಂಗಲೊ ತೊ ಯೆತಾ

ತಡೊ ಕರಿನಾ;

38 ಮಾಜಿ ನಿತಿವಂತ್ ಲೊಕಾ ವಿಶ್ವಾಸಾತುಚ್ ಜಿವನ್ ಕರ್ತಾತ್

ತೆನಿ ಫಾಟಿ ಸರಕ್ಲ್ಯಾ

ಮಿಯಾ ಖುಶಿನ್ ರ್‍ಹಾಯ್ನಾ.

39 ಖರೆ ಅಮಿ ಫಾಟಿ ಸರ್ಕುನ್ ನಾಸ್ ಹೊತಲೆ ನ್ಹಯ್, ಹೆಚ್ಯಾ ಬದ್ಲಾಕ್ ವಿಶ್ವಾಸಾನ್ ರ್‍ಹಾವ್ನ್ ಸುಟ್ಕಾ ಖಮ್ವುನ್ ಘೆತಲ್ಯಾಂಚ್ಯಾ ಮದ್ಲೆಚ್.